Lucas 4:23 - Manobo Western Bukidnon

²³ Ne migkag̵i si Jesus te, “Siguradu ebpekekag̵i kedì is duma keniyu te erubasa he edhenduen te, ‘Sikew is mememawì, hunai nu vewii is kenikew he lawa, he ke và dà egkeg̵iya, emun tutuu ka he ebpeneuven te Megbevayà ne ipeehè nu is gehem nu zini te inged nu. Su nezineg dey is egkengein-inuwan he mibeelan nu ziyà te inged he Kepirnaum, ne beeli nu zaan kayi te keugelingen nu he inged.’

Lucas 4:23 Кръстосани препратки

Mateo 13:54

mid-ulì diyà te inged din. Ne ziyà te simbahan mibpenurù din is menge etew zutun. Nengeinuinu is menge etew he mibpemineg kandin. Ke sikandan te, “Hentei vuwa is nekepenurù kandin? Maan is metau sikandin ebaal te menge egkein-inuwan?

Mateo 4:13

Nekeuma sikandin diyà te Neserit ne zutun diyà med-ulì te inged he Kepirnaum he ziyà te veyvey te ranew he Geliliya, he sakup te tanà he Sebulun wey Neptali.

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Marcos 6:1

Ne mid-awà si Jesus dutun te inged ne mid-ulì diyà te inged din, diyà te Neserit. Ne nemenduma kandin is menge sumusundan din.

Lucas 2:39

Ne hein nepasad ni Jose wey ni Maria haazà is kedtumana zan te langun he insug̵ù diyà te kesug̵uan he imbeg̵ey te Nengazen, mid-ulì dan diyà te ed-ubpaan dan diyà te inged he Neserit diyà te prubinsya he Geliliya.

Lucas 2:51

Miduma kandan si Jesus te ed-ulì diyà te Neserit su mepezumdumahan sikandin te g̵inikanan din. Ne wazà melipati te iney zin haazà is langun he neulaula, kekenà, netipig̵an diyà te isip din.

Lucas 4:16

Ne zutun midhendiyà si Jesus te Neserit, sikan is inged he zutun en sikandin medekelà. Ne zutun te andew he Sebadu he iyan Andew te Kedhimeley midseled si Jesus te simbahan su iyan betasan din. Ne midhitindeg su ebesahan din is insurat he Lalag te Megbevayà.

Lucas 4:31

Ne midlaus si Jesus pehendiyà te Kepirnaum he inged he sakup te Geliliya. Ne zutun te Andew te Kedhimeley mibpenurù din is menge etew ziyà te simbahan.

Lucas 4:35

Ne zutun midawey ni Jesus haazà is mezaat he mulin-ulin ne ke sikandin te, “Med-engked ka ne awè ka ziyan te kandin!” Ne zutun mibpengelinteuwan duen te mezaat he mulin-ulin he mekebadas diyà te tanà dutun te etuvangan te langun he menge etew haazà is edlelungen din. Ne mid-awà sikandin ne wazè din mekeizi haazà is etew he midlalung din.

Lucas 6:42

Ne egkeg̵iyan nu pa sikandin he id-awè nu haazà is nekepesek kandin, iyan, nepesek mulà is kenikew he mata te vatang he ebpesegdanen nu! Utew tarù is ulaula nu! Ihuna nu iawà is batang he nekepesek kenikew ne human ka ebpekeahà. Ne zutun melemu nu zà igkeawà haazà is nekepesek te zuma nu.”

Juan 4:28

Ne zutun intag̵ak te vahi is sekezu zin ne midlikù diyà te inged. Migkeg̵iyan din is menge etew, ke sikandin te,

2 Kurintu 5:16

Is paag̵i zey te ked-isipa te minsan hentei he etew, ne kenà iyan is paag̵i he egemiten te menge etew he wazà medtuu. Dengan, iyan heini migamit dey he paag̵i su mid-isip dey he etew zà duen si Kristu, iyan, guntaan netuenan dey he kenà etew zà duen sikandin.