Lucas 4:20 - Manobo Western Bukidnon

²⁰ Ne zutun midlulun ni Jesus haazà is belesahan ne induwal zin diyà te miduwal kandin ne mibpinuu su ebpenurù. Ne is langun he menge etew zutun, midtengtengan dan sikandin su ebpemineg dan.

Lucas 4:20 Кръстосани препратки

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Mateo 27:60

Ne zuen surung he penlevengà ni Jose he sikan pa mepasad he ingkalut diyà te kelendig̵an te pag̵ang. Ne zutun iseled ni Jose is lawa ni Jesus. Ne midlekevan din haazà is surung te zekelà he vatu ne mid-ewaan din.

Lucas 19:48

Iyan, kenè dan egkeg̵aanggaan te edhimatey sikandin su is langun he menge etew, ne utew zan egkengevenari he ebpememineg kandin.

Lucas 4:17

Ne induwal zan kandin is belesahan he menge surat ni Esaias, sikan is ebpeneuven dengan te Megbevayà. Mibekar zin haazà ne neehè din ne mibasa zin is insurat he edhenduen te,

Lucas 4:21

Ne ke sikandin te, “Heini is netagnà he insurat he Lalag te Megbevayà he mibasa ku, ne netuman en guntaan dini te etuvangan niw.”

Lucas 5:3

Ne mid-untud si Jesus dutun te sevaha he avang he g̵aked ni Simon ne impehalin din ki Simon haazà is avang te malù ebpekeziyù dutun te veyvey. Ne mibpinuu si Jesus dutun te avang ne mibpenurù din is utew mezakel he menge etew.

Juan 8:2

Ne hein nepawà dutun, midhendiyè en maan si Jesus te simbahan he Valey te Megbevayà, ne hein midtig̵um diyà te kandin is langun he menge etew, mibpinuu zutun ne mibpenurù din sikandan.

Nengeulaula 16:13

Ne zutun te Sebadu he iyan Andew te Kedhimeley, mid-awè key ziyà te inged ne midhendiyè key te veyvey te wahig su ed-ahaan dey ke zuen be zutun edtig̵uman te menge Hudiyu he ed-empuan dan te Megbevayà. Ne zuen menge vahi he nengetig̵um dutun, ne mibpinuu key ne mibpekidlalag key kandan.

Nengeulaula 3:12

Ne hein naahà haazà ni Pedro, migkeg̵iyan din haazà is menge etew te, “Menge kezuzumahi ku he menge kevuwazan ni Israyil, maan is igkeinuinu niw utew heini? Maan is edtengtengan key keniyu? Kunaan niw vuwa ke pinaag̵i te kenami en he g̵ehem wey ke tenged be te wazè dey salà, ne neulian dey heini wey mekehipanew.