Lucas 3:8 - Manobo Western Bukidnon

⁸ Emun tutuu he mid-iniyug̵an niw is memezaat he ulaula, ipeehè niw pinaag̵i te menge meupiya he vaal niw. Ne kenè niw iyan serig̵i is kevuwazan kew ni Abraham su wazà dutun pulus diyà te Megbevayà. Su egkeg̵iyan ku sikiyu he emun iyan egkinehenglanen te Megbevayà, ne egkehimu he ebeelan din heini is menge vatu he kevuwazan ni Abraham.

Lucas 3:8 Кръстосани препратки

Mateo 21:43

Umba,” ke si Jesus, “benar iyan he kenè kew en maan is menge Hudiyu edhedian te Megbevayà su iyan din edhedian is menge etew he edtuman te egkesuatan din.

Mateo 3:8

Emun tutuu he mid-iniyug̵an niw en is ulaula niw he mezaat, ipeehè niw pinaag̵i te menge meupiya he vaal niw.

Mateo 3:9

Ne kenè niw iyan serig̵i is kevuwazan kew ni Abraham su wazà dutun pulus diyà te Megbevayà. Su egkeg̵iyan ku sikiyu he emun iyan egkinehenglanen te Megbevayà, egkehimu he ebeelan din heini is menge vatu he kevuwazan ni Abraham.

Lucas 13:25

Su edlekevan te teg̵ivaley haazà is gemawan. Ne emun diyè kew pa te g̵awas ebpenelehuzan kew is egkag̵i te, ‘Puwasi key kenikew!’ Ne iyan dà idtavak dutun te teg̵ig̵aked is, ‘Kenè ku egketuenan ke hentei kew wey ke hendei kew ebpuun.’

Lucas 13:26

Ne zutun edtavak kew te, ‘Dengan migkaan key wey mid-inum key zuma kenikew ne mibpenurù ka ziyà te inged dey!’

Lucas 14:9

Ne egkeg̵iyan ki zutun te midtukud te keemuran te, ‘Ibpahalin ki su ebpepinuuwan dutun te lavew kenè ki, haazà is mibpinuuwan ta.’ Ne utew ki zutun egkeeled ke ziyè ki ibpepinuu te kenà utew meupiya he ebpinuuwan.

Lucas 19:40

Ne zutun midtavak si Jesus te, “Kenà egkehimu su emun ed-engked dan is ebpendalig ne iyan edsambey he ebpendalig is langun keniyan te menge vatu su utew kinahanglan guntaan he zuen ebpendalig.”

Lucas 19:9

Ne migkag̵i si Jesus diyà te kandin te, “Sikew wey menge zuma nu zini te valey, edlibriyen kew g̵untaan te Megbevayà te silut tenged te menge salè niw su mid-iringan niw g̵untaan is kepuun niw he si Abraham su midtuu kew te Megbevayà.

Lucas 5:21

Ne zutun, is menge Perisiyu wey is menge menunudlù te kesug̵uan, neisip dan diyà te g̵ehinawa zan is: “Hentei heini he etew is edsupak te Megbevayà? Megbevayà sikandin uvag su hentei is ebpekepesaylu te menge salà, kekenà, iyan dà is Megbevayà.”

Juan 8:33

Ne midtavak dutun is menge punuan te, “Iyan kepuun dey si Abraham, ne wazè key meuripen te minsan hentei; maan is migkag̵i nu he egkevelukasan key?”

Juan 8:39

Ne midtavak dan te, “Iyan kepuun dey si Abraham.” Ne migkag̵i si Jesus te, “Angin ke tutuu kew he kevuwazan ni Abraham su ebeelan niw is mibeelan dengan ni Abraham.

Nengeulaula 26:20

Midhuna a ziyà te inged he Demasku ne human diyà te Hiruselim. Ne zutun mid-eneb ku is prubinsya he Hudiya ne midhendiyà a zaan te menge etew he kenà menge Hudiyu. Impesavut ku kandan he kinahanglan he iniyug̵i zan is menge salè dan, ne medtuu zan te Megbevayà ne ipeehè dan pinaag̵i te ulaula zan he tutuu is ked-iniyug̵i zan te mezaat he ulaula.

Ruma 4:16

Umba midhimu te Megbevayà he egkezawat tew is impenaad din pinaag̵i zà te kedtuu tew su wey mehimu heini pinaag̵i te g̵ag̵ew zin, ne kenà pinaag̵i te ed-ul-ulahan tew. Ne tenged kayi kenè en ebperis he egkezawat tew te langun he menge kevuwazan ni Abraham is impenaad te Megbevayà. Ne kenà iyan dà ebpekezawat is menge Hudiyu he nesakup te kesug̵uan, kekenà, elin daan is minsan hentei he zuen din kedtuu he iring ki Abraham su nehimu si Abraham he kepuun te langun he edtuu, Hudiyu se kenà Hudiyu.

Ruma 9:7

Is langun he egngezanan he menge kevuwazan ni Abraham, kenà daan langun te sikandan ed-isipen te Megbevayà he tutuu he menge kevuwazan ni Abraham, he ke và dà egkeg̵iya, kenè dan is langun ebpekezawat te impenaad te Megbevayà. Su migkag̵i zengan is Megbevayà diyà te ki Abraham, ke sikandin te, “Pinaag̵i zà ki Isaak is tutuu he kevuwazan nu.”

Pilipus 1:11

Ne zutun egkeveelan niw is minsan hengkey he metazeng he ulaula tenged te g̵ehem he ibeg̵ey ni Jesu Kristu su wey mezalig wey mevantug is Megbevayà.