Lucas 3:4 - Manobo Western Bukidnon

⁴ Heini is kebpenurù ni Juan, iyan kegketuman te netagnà he insurat dengan ni Esaias te ebpeneuven te Megbevayà su ke si Esaias te, “Duen etew ziyà te tanà he wazà duen ed-ubpà he etew. Ne egkezineg sikandin te menge etew he edangep kandin is egkag̵i te, ‘Meg̵aan ebpekeuma is Nengazen. Hig̵ewani niw is ibayè din; tendanga niw is dalan he ed-ikulen din, he ke và dà egkeg̵iya, endami niw is kebpekeuma zin.

Lucas 3:4 Кръстосани препратки

Mateo 3:3

Ne si Juan, iyan sikan is netagnà dengan ni Esaias he migkag̵i zin he, “Duen keuzemà etew ziyà te tanà he wazà duen ed-ubpà he etew. Ne zutun egkezineg sikandin te menge etew he edangep kandin is egkag̵i te, ‘Meg̵aan ebpekeuma is Nengazen. Hig̵ewani niw is ibayè din; tendanga niw is dalan he ed-ikulen din, he ke và dà egkeg̵iya, endami niw is kebpekeuma zin.’ ”

Marcos 1:3

Diyà sikandin te tanà he wazà duen ed-ubpà he etew. Ne zutun egkezineg sikandin te menge etew he edangep kandin is egkag̵i te, ‘Meg̵aan ebpekeuma is Nengazen. Hig̵ewani niw is ibayè din; tendanga niw is dalan he ed-ikulen din, he ke và dà egkeg̵iya, endami niw is kebpekeuma zin.’ ”

Juan 1:23

Ne zutun midtavak si Juan. Is tavak din iring te insurat dengan te ebpeneuven he si Esaias. Ke si Juan te, “Iyan a sikan is netagnà he etew he egkezineg is kedwali zin diyà te tanà he wazà duen ed-ubpà. Ke sikandin te, ‘Tendanga niw is ibayà he ed-ikulen te Nengazen.’ ”

Juan 1:7

su wey zin ikepenurù diyà te menge etew he iyan si Jesu Kristu sikan is tutuu he kerayag, su wey meketuu is tivuuk he menusiyà pinaag̵i zutun te penurù.