Lucas 24:6 - Manobo Western Bukidnon

⁶ Su si Jesus, ne wazè en kayi su nevanhew en. Tentenuzi niw ke hengkey is migkag̵i zin keniyu hein diyè kew pa te Geliliya

Lucas 24:6 Кръстосани препратки

Mateo 12:40

Su nekeseled si Jonas diyà te g̵etek te zekelà he pait seled te tetelu he andew. Ne iring din ded daan, siak is Kakey te Menusiyà, ebpekeseled a ziyà te zizalem te tanà seled te tetelu he andew.

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Mateo 27:63

Ne ke sikandan diyà te kandin te, “Datù, netenuzan dey he migkag̵i zuen te teruen he etew hein uuyag pa, he emun ebpatey, egkevanhew zed seled te tetelu he andew.

Mateo 28:6

Wazè en dini su nevanhew en sumalà is migkag̵i zin keniyu. Hendini kew wey niw ahaa is midsevukan kandin.

Marcos 16:6

Ne migkag̵i haazà is etew te, “Kenè kew mahandek. Ebpen-ahaan niw si Jesus he tigNeserit, sikan is inransang te krus, iyan, wazè en dini su nevanhew en. Ahaa niw man kayi te midsevukan kandin.”

Marcos 8:31

Ne zutun impesavut ni Jesus te menge sumusundan din is imbanglis kandin. Ke sikandin te, “Siak is Kakey te Menusiyà, mezakel is menge kemeresayan he ibpaantus kediey. Edsumpeliten a te menge ebmeg̵urangen te menge Hudiyu wey te menge punuan he memumuhat wey te menge menunudlù te kesug̵uan. Edhimetayan e zan ne seled te tetelu he andew zutun egkevanhew a.”

Lucas 24:34

Ne iyan ingketig̵um dan su ebpetudtudtulè dan he egkag̵i te, “Benar ves iyan he nevanhew is Nengazen su mibpaahà ki Pedro.”

Lucas 24:5

Ne haazà is menge vahi, ne midluhud dan is edungul su utew zan nengehandek. Ne migkag̵i kandan haazà is menge maama te, “Maan is kayi niw ebpen-ahaa te edlevengan te minatey is etew he uuyag?

Lucas 9:22

Ne ke sikandin daan te, “Siak is Kakey te Menusiyà, kinahanglan he mezakel is menge kemeresayan he ibpaantus kediey. Edsumpeliten a te menge ebmeg̵urangen te menge Hudiyu wey te menge punuan he memumuhat wey te menge menunudlù te kesug̵uan. Edhimetayan e zan ne seled te tetelu he andew zutun egkevanhew a.”

Lucas 9:44

“Kenè niw lipati heini is egkeg̵iyen ku keniyu, duen timpu keuzemà he siak is Kakey te Menusiyà, ibpalad a ziyà te menge kuntada ku,” ke sikandin.

Nengeulaula 2:24

Iyan, midlibri si Jesus te Megbevayà ne mibanhew zin su kenà egkehimu he egkevakus si Jesus te kemetayen.

2 Tiselunika 2:5

Wazè niw pa vuwa melipati he migkag̵i ku en heini is langun hein diyan e pa te keniyu.