Lucas 24:51 - Manobo Western Bukidnon

⁵¹ Ne zutun te kemulu pa sikandin ebpenuvadtuvad ne nevatun sikandin pehendiyà te langit.

Lucas 24:51 Кръстосани препратки

Marcos 16:19

Ne te kegkeipusa te Nengazen he si Jesus dutun te menge lalag din, mibatun sikandin pehendiyà te langit, ne mibpinuu ziyà te egkekewanan te Megbevayà.

Lucas 24:50

Ne te nekepasad si Jesus dutun is egkag̵i ne mid-uwit din sikandan diyà te g̵awas te inged he Hiruselim, ne hein diyè dan en te uvey te inged he egngezanan te Bitanya, ne imbayew zin is menge velad din su ebpenubtuvazan din sikandan.

Lucas 24:52

Ne mid-azap dan sikandin ne utew zan nengelipey is mid-ulì diyà te Hiruselim.

Juan 20:17

Ne migkag̵i kandin si Jesus te, “Kenè ka kepkep dini su wazè e pa vetuna pehendiyà te Amey ku. Beyai nu is menge suled ku ne keg̵iya nu te, ‘Edhendiyà a te Amey ku, diyà te Megbevayè ku. Iyan daan sikandin Amey niw wey Megbevayè niw.’ ”

Nengeulaula 1:9

Ne te nekag̵i ni Jesus haazà, nevatun sikandin pehendiyà te langit. Ne te kemulu zan pa edlingahà su ed-ahaan dan is kegkevatun din, neelangan si Jesus te g̵apun ne naawà sikandin diyà te ked-ehè dan.

Hibriyuhanen 1:3

Pinaag̵i kayi te Anak din ibpezayag is mekeg̵eg̵ehem he anlag te Megbevayà su neked-iring dan. Ke hengkey is Megbevayà ne iyan ded daan sikan is Anak din. Ne pinaag̵i te g̵ehem te kegkag̵i kayi te Anak ebeyveyaan din is minsan hengkey he linimbag. Ne hein nepasad din en is ked-ewaa zin te menge salè tew, mid-ulì diyà te langit ne mibpinuu ziyà te egkekewanan te Megbevayà su edhadì.

Hibriyuhanen 4:14

Ne tenged kayi, menge suled, edhemenan tew is kedtuu he impenurù kenitew. Su zuen utew lavew he memumuhat he iyan datù tew he nekid-etuvang en te Megbevayà. Iyan heini si Jesus he Anak te Megbevayà.