Lucas 24:4 - Manobo Western Bukidnon

⁴ Ne zutun utew zan egkengereg̵enan he ebpen-isip-isip; ne netik-ew mebpaahà kandan is dezuwa he maama he ebpemengenamag te keputì is bisti zan.

Lucas 24:4 Кръстосани препратки

Marcos 16:5

Ne mid-ahuk dan dutun te idselang te penlevengà ne neehè dan is ebpimpinuu he menguhed he etew ziyà te egkekewanan dan he kukumbalà te meputì he manggad. Ne zutun nekehuyab is gehinawa zan.

Lucas 2:9

Ne netekew zan te mibpaahà kandan is belinsug̵uen te Nengazen ne neketayew ziyà te kandan is mekeg̵eg̵ehem he anlag te Megbevayà ne utew zan dutun nengehandek.

Lucas 24:5

Ne haazà is menge vahi, ne midluhud dan is edungul su utew zan nengehandek. Ne migkag̵i kandan haazà is menge maama te, “Maan is kayi niw ebpen-ahaa te edlevengan te minatey is etew he uuyag?

Nengeulaula 1:10

Ne te kemulu pa sikandan dutun edlingahà diyà te langit, mibpaahà kandan diyà te uvey zan is dezuwa he maama he ebpenganlag is ugelingen dan.

Nengeulaula 12:7

Ne netekewtekew te zuen mibpaahà kandin he velinsug̵uen te Nengazen ne zuen daan neketayew zutun te seled te pirisuwan. Ne migewezan dutun te velinsug̵uen si Pedro ziyà te kilid ne migunggel zin ne mibpukew zin. Ke sikandin te, “Enew ka gaanggaan.” Ne zutundutun naawà is menge kedina ziyà te menge velad ni Pedro.

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.