Lucas 23:9 - Manobo Western Bukidnon

⁹ Ne zutun mezakel is menge insà ni Hirudis ki Jesus, iyan, wazà si Jesus medtavak.

Lucas 23:9 Кръстосани препратки

Mateo 27:12

Iyan, dutun te migkag̵i en te menge punuan te menge memumuhat wey menge ebmeg̵urangen te menge Hudiyu ziyà te ki Pilatu is sumbung dan mehitenged ki Jesus ne wazà haazà tevaka ni Jesus.

Mateo 27:14

Iyan, wazà medtavak si Jesus te minsan hengkey; ne tenged kayi neinuinu utew is gubirnedur.

Mateo 7:6

Ne zutun insempità ni Jesus is menge etew he kenà egkesuat he ebpemineg te Lalag te Megbevayà. Ke sikandin te, “Kenè niw iveg̵ey te asu is butang he mahal ziyà te Megbevayà su kela ke keg̵ata kew zin. Ne kenè niw zaan isawed is menge mahal he ebelieg̵en diyà te etuvangan te menge vavuy su egketekutakan dan dà.

Marcos 15:5

Iyan, wazà medtavak si Jesus te minsan hengkey he insà kandin ne tenged dutun neinuinu utew si Pilatu.

Lucas 13:32

Ne migkag̵i si Jesus diyà te kandan te, “Si Hirudis, haazà is utew metau he ed-akal, keg̵iyi niw sikandin he kenè e pa ed-awà dini su g̵untaan wey keeselem ebpenegseg̵en ku pa is menge mezaat he mulin-ulin he ebpenlalung te menge etew, ne ebewian ku is egkengezeruwan. Ne mekezuwa pa g̵untaan ne human egkeipus heini is menge vaal ku zini.

Lucas 23:10

Ne zutun, haazà is menge punuan he menge memumuhat wey is menge menunudlù te kesug̵uan, ne mid-uvey zan ne utew meinit is gehinawa zan te kedsumbunga zan ki Jesus.

Juan 19:9

ne midseled en maan sikandin dutun te turug̵an ne ke sikandin diyà te ki Jesus te, “Hendei ka ebpuun?” Ne wazà dutun medtavak si Jesus.

Nengeulaula 8:32

Iyan ebesahan dutun te upisyal is insurat ni Esaias dengan he edhenduen te, “Iring sikandin te vuutan he kerehidu he migkuwa zan su edhimetayan. Ne wazà migkag̵i zin su iring sikandin te nati he kerehidu he kenà ed-erang ke ed-elutan.

1 Pedro 2:23

Hein edsumpeliten sikandin duen te kedrensanga kandin wazà sikandin medtavak te mezaat; wazà sikandin mebpenrawak. Is kebelesi zutun te edrasey kandin, insarig din diyà te Megbevayà he iyan kes metazeng is kedhukum din.