Lucas 23:8 - Manobo Western Bukidnon

⁸ Ne si Hirudis, ne utew nesuatsuat hein neehè din si Jesus su neug̵et dà he egkesuatan din si Jesus te ed-ahà. Egkesuatan din he meehè din is menge egkein-inuwan he nezineg din he ebpemeelan ni Jesus.

Lucas 23:8 Кръстосани препратки

Mateo 14:1

Ne zutun he timpu nezineg ni Hadì Hirudis is tudtul mehitenged te ulaula ni Jesus.

Marcos 6:14

Ne nezineg ni Hadì Hirudis is tudtul kayi te mid-ulaula eni Jesus su nevantug en si Jesus diyà te minsan hendei zutun. Ne zuen menge etew he migkag̵i te, “Heini si Jesus, ne iyan si Juan Megbebewtismu he nevanhew umba zuen din gehem wey zin meveeli is menge iring kayi he singyal.”

Marcos 8:34

Ne zutun impeuvey ni Jesus diyà te kandin is menge etew wey menge sumusundan din. Ne ke sikandin te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan pa ke iyan ibpatey zin. Ne human ebpekesunud kedì.

Lucas 4:23

Ne migkag̵i si Jesus te, “Siguradu ebpekekag̵i kedì is duma keniyu te erubasa he edhenduen te, ‘Sikew is mememawì, hunai nu vewii is kenikew he lawa, he ke và dà egkeg̵iya, emun tutuu ka he ebpeneuven te Megbevayà ne ipeehè nu is gehem nu zini te inged nu. Su nezineg dey is egkengein-inuwan he mibeelan nu ziyà te inged he Kepirnaum, ne beeli nu zaan kayi te keugelingen nu he inged.’

Nengeulaula 8:19

ke sikandin te, “Beg̵ayi a zaan kayi te g̵ehem niw su wey a mekezepenet te etew ne egkeulinan te Wag̵as he Mulin-ulin.”