Lucas 23:5 - Manobo Western Bukidnon

⁵ Iyan, nasì nememensag is menge etew zutun he egkag̵i te, “Edsinamuk is menge etew he ebpemineg te menge penurù keniyan! Mibpuunan din is kebpenurù din diyà te prubinsya he Geliliya ne midtukid din daan is menge inged dini te prubinsya he Hudiya, Ne g̵untaan, dini en maan sikandin te Hiruselim.”

Lucas 23:5 Кръстосани препратки

Mateo 11:1

Ne hein nepasad ni Jesus heini is kedseyseya zin te menge sug̵ù din dutun te sepulù wey zezuwa he sumusundan din, mid-awà sikandin dutun ne midhipanew su ibpenurù din wey ibpesavut din is Lalag te Megbevayà diyà te menge siringan dutun he inged.

Mateo 2:1

Diyà si Jesus ianak te inged he Bitlihim, te prubinsya he Hudiya zutun te timpu te kedhadì te aney en he hadì he egngezanan ki Hirudis. Ne zutun te vatè pa utew si Jesus, nekeuma ziyà te Hiruselim is menge memimituen. Diyà sikandan ebpuun te meziyù he inged diyà te edsilaan.

Mateo 27:24

Ne zutun nesavut ni Pilatu he wazè en pulus te menge lalag din su ebpuunè en edsinamuk is menge etew, ne tenged dutun, migkuwa sikandin te wahig ne mibpenlùlù te velad din dutun te etuvangan te menge etew, ne ke sikandin te, “Keniyu he salà heini. Is lengesa kayi te etew, ne ziyè dà te keniyu he velad; lumpiyu is kedì.”

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Marcos 1:14

Ne hein impezakep en ni Hadì Hirudis si Juan, midlikù si Jesus diyà te prubinsya he Geliliya ne impesavut din dutun te menge etew is Meupiya he Tudtulanen he ebpuun te Megbevayà.

Lucas 11:53

Ne hein mid-awà si Jesus dutun te valey te Perisiyu, midreg̵enreg̵en sikandin te menge Perisiyu wey menge menunudlù te kesug̵uan. Mezakel is menge insè dan kandin su edteg̵elen dan sikandin wey meketavak

Lucas 23:23

Ne zutun mid-iseg is kebpememensag dan he ibperansang dan si Jesus diyà te krus. Ne hein neug̵et kenè en ebpeketigker si Pilatu,

Lucas 23:6

Ne hein nezineg ni Pilatu heini ne mid-insà sikandin te, “TigGeliliya ve heini is etew?”

Juan 1:43

Ne hein mid-ilis he andew zutun neisip ni Jesus he edhendiyà te prubinsya he Geliliya. Mibeyaan din si Felipe ne ke sikandin te, “Duma ka kedì.”

Juan 19:15

Ne zutun mibpememensag en maan haazà is menge Hudiyu te, “Himetayi en, iransang te krus!” Ne migkag̵i ziyà te kandan si Pilatu te, “Ibperansang ku ve is hadì niw te krus?” Ne midtavak is menge punuan he memumuhat te, “Iyan dà hadì dey si Cesar!”

Juan 2:11

Iyan haazà nehuna he egkein-inuwan he mibeelan ni Jesus; midhimu zin diyà te inged he Kana ziyà te prubinsya he Geliliya, ne pinaag̵i zutun impeehè din is dekelà he g̵ehem din ne midtuu kandin is menge sumusundan din.

Juan 7:41

Ne migkag̵i is duma pa kandan dutun te, “Iyan en iyan heini sikandin sikan is hadì he mibpilì te Megbevayà.” Iyan, migkag̵i is duma pa te, “Kenà, su kenà egkehimu he ziyà ebpuun is hadì te prubinsya he Geliliya!

Juan 7:52

Ne midtavak is menge zuma zin te, “Tulebung ke ves daan he tigGeliliya? Purungi nu susiya is insurat he menge tagnà, ne egketuenan nu he wazà minsan sevaha he ebpeneuven te Megbevayà he ziyà ebpuun te prubinsya he Geliliya.”

Nengeulaula 10:37

Ne netuenan niw zaan kes neulaula ziyà te tivuuk he tanà te menge Hudiyu, iyan, dutun mebpuun te prubinsya he Geliliya, dutun te timpu he neipus ni Juan is kebpesavut din te kebewtismu.

Nengeulaula 23:10

Ne mid-iseg dutun is kegkesumpakì dan ne tenged dutun insug̵ù te kepitan diyà te menge sundaru zin he eg̵awa zan si Pablo zutun te menge etew wey iulì diyà te kutà. Su nahandek sikandin su kela ke pitaspitasa zan si Pablo.

Nengeulaula 5:33

Ne hein nezineg heini te menge punuan, utew zan nengepauk ne ed-isipen dan en edhimetayi is menge epustul.

Nengeulaula 7:54

Ne hein nezineg te menge punuan he menge Hudiyu haazà is lalag ni Esteban, utew zan nengepauk. Ne migkeg̵etket is bag̵ang dan te kegkererengiti zan utew.

Nengeulaula 7:57

Ne zutun haazà is menge punuan, nekekulahì dan ne midsabpeng dan is telinga zan su wey kenè dan en mezineg is menge lalag ni Esteban ne midlingketawan dan.