Lucas 23:43 - Manobo Western Bukidnon

⁴³ Ne migkag̵i si Jesus diyà te kandin te, “Benar heini is egkeg̵iyen ku kenikew he g̵untaan dà ebpezumehè ki zutun te inged te edtulusen.”

Lucas 23:43 Кръстосани препратки

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Lucas 23:42

Ne zutun migkeg̵iyan din si Jesus te, “He Jesus, kenà a kenikew lipati zutun te kedhadì nu en keuzemà.”

Juan 14:3

Ne emun ebpekehendiyà ad su ed-endaman ku sikiyu te egkeubpaan, edlikuan ku sikiyu ne ziyà ku sikiyu ed-uwita te ed-ubpaan ku. Ne zutun, ke hendei a, ne zutun kew zaan.

Juan 17:24

Amà, is menge etew he imbeg̵ey nu kediey, egkesuatan ku he ziyè dan mekeamur te kediey diyà te ed-ubpaan ku keuzemà wey zan maahà is mekeg̵eg̵ehem he anlag ku he imbeg̵ey nu kediey zengan te wazè pa tukuza heini is kelibutan. Umba mibeg̵ayan a kenikew te anlag su mahal a ziyan te g̵ehinawa nu.

2 Kurintu 5:8

Layun mezesen is kedsarig ta te Nengazen ne egkesuatan ta pezem he meewai ta heini is kelibutanen he lawa su wey ki mekeulì diyà te Nengazen.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.

Impezayag 2:7

Is minsan hentei keniyu, mebpemineg kayi te egkeg̵iyen te Wag̵as he Mulin-ulin diyan te keniyu te menge tumutuu! Is etew he ebpekezaag ki Setanas, edtug̵utan ku he mekekaan sikandin te veg̵as te kayu he iyan puunà te untung he wazà pidtemanan he ziyà te ed-ubpaan te Megbevayà.’ ”