Lucas 23:39 - Manobo Western Bukidnon

³⁹ Ne is sevaha zutun te zezuwa he tulisan he inransang diyà te pesikilizà ni Jesus, ne edsumpalit en daan kandin. Ke sikandin te, “Emun tutuu iyan he iyan ka sikan is hadì he mibpilì te Megbevayà ne hante kun be iyan, libriya nu is lawa nu keniyan ne libriya key zaan kenikew.”

Lucas 23:39 Кръстосани препратки

Mateo 27:44

Ne minsan sikan is menge tulisan he inransang diyà te pesikilizè din, ne midsumpalit dan daan sikandin.

Marcos 15:32

Sikew is uvag Kristu he hadì dey te menge Hudiyu, penaug ke en keniyan te krus ne edtuuwan dey sikew!” Ne sikan daan is dezuwa he inransang diyà te pesikilizè din, ne midsumpalit dan daan kandin.

Lucas 23:35

Ne is menge etew, ne ebpemenhitindeg dan dutun he ebantey; ne is menge punuan te menge Hudiyu, ne ed-undaunda kandin, ke sikandan te, “Wey zè be! Nelibri zin is duma; ne emun tutuu he iyan sikandin sikan is hadì he mibpilì te Megbevayà, ed-ahaan ta ke egkelibri zin is keugelingen din.”

Lucas 23:37

Ne ke sikandan te, “Emun tutuu iyan he hadì ka te menge Hudiyu ne libriya nu is keugelingen nu!”

Lucas 23:40

Ne haazà is sevaha, ne migkeg̵iyan din haazà is duma zin te, “Maan is egkag̵i ka te iring keniyan? Wazè nu ve kegkehandek te Megbevayà? Sikitew is tetelu, ne pudu kiw ebpatey kayi,