Lucas 23:25 - Manobo Western Bukidnon

²⁵ Ne zutun midlibri ni Pilatu si Berabas he mibpirisu tenged te kedsinamuk din wey kebunua zin te etew. Ne si Jesus, insug̵ù en ni Pilatu he meulaula ziyà te kandin is egkesuatan te menge etew.

Lucas 23:25 Кръстосани препратки

Mateo 27:26

Ne zutun midlibri ni Pilatu si Berabas. Ne impevug̵el zin si Jesus ne insug̵ù din te menge sundaru he iransang dan si Jesus diyà te krus.

Marcos 15:15

Ne zutun midlibri ni Pilatu si Berabas wey zin mepenunuat is gehinawa zutun te menge etew. Ne impevug̵el zin si Jesus ne insug̵ù din te menge sundaru he iransang diyà te krus.

Lucas 23:2

Ne hein nekeuma zan dutun ne impezineg dan ki Pilatu is menge sumbung dan. Ke sikandan te, “Midsusi zey heini is etew ne netuenan dey he edsinamuk kayi te inged tew su ibpeengked din is menge etew he ebayad te vuhis diyà te lavew he hadì tew ziyà te inged he Ruma. Ne kenà duen dà taman su egkeg̵iyen din he iyan sikandin si Kristu, he ke và dà egkeg̵iya, hadì.”

Lucas 23:24

ne midtug̵ut sikandin he idransang si Jesus te krus.

Lucas 23:26

Ne zutun migkuwa zan si Jesus ne migenat dan su ed-uwiten dan pehendiyà te g̵awas dutun te inged. Ne ziyà te zalan nesinug̵ung dan is etew he tigSirini he egngezanan ki Simon. Heini si Simon, diyà ebpuun te unayan ne edhendiyà te inged. Ne mibpeg̵es dan ipetiang dutun te krus he edtiangen ni Jesus.

Lucas 23:5

Iyan, nasì nememensag is menge etew zutun he egkag̵i te, “Edsinamuk is menge etew he ebpemineg te menge penurù keniyan! Mibpuunan din is kebpenurù din diyà te prubinsya he Geliliya ne midtukid din daan is menge inged dini te prubinsya he Hudiya, Ne g̵untaan, dini en maan sikandin te Hiruselim.”

Juan 18:40

Ne mibpememensag dan te, “Kenà iyan sikandin, kekenà, iyan nu ipaawà si Berabas.” (Ne haazà si Berabas, tulisan.)

Juan 19:16

Ne zutun intug̵ut ni Pilatu he iransang si Jesus diyà te krus. Ne is menge sundaru, mid-uwit dan si Jesus

Nengeulaula 3:14

iyan, sikiyu, wazè niw mesuati sikandin is wag̵as he wazà kandin he mezaat he ulaula. Midhangyù kew he iyan libriya ni Pilatu kes teremunù he nepirisu.