Lucas 23:19 - Manobo Western Bukidnon

¹⁹ Ne heini si Berabas, ne iyan ingkepirisu zin su impepekidtebek din te gubirnu is menge etew ne kenà dutun dà taman su nekevunù daan sikandin te etew.

Lucas 23:19 Кръстосани препратки

Marcos 15:7

Ne zuen dutun pirisu he egngezanan ki Berabas, ne haazà si Berabas wey is menge zuma zin, ne midsukul zan te gubirnu ne nekepatey sikandin te etew zutun te kedsinamuk dan.

Lucas 23:18

Ne hein nezineg te mezakel he etew haazà is migkag̵i ni Pilatu ne mibpememensag dan te, “Ipehimetayi nu heeyan he etew, ne iyan nu ipeg̵awas si Berabas!”

Lucas 23:2

Ne hein nekeuma zan dutun ne impezineg dan ki Pilatu is menge sumbung dan. Ke sikandan te, “Midsusi zey heini is etew ne netuenan dey he edsinamuk kayi te inged tew su ibpeengked din is menge etew he ebayad te vuhis diyà te lavew he hadì tew ziyà te inged he Ruma. Ne kenà duen dà taman su egkeg̵iyen din he iyan sikandin si Kristu, he ke và dà egkeg̵iya, hadì.”

Lucas 23:20

Ne si Pilatu, ne iyan din egkesuatan he iyan ibpeg̵awas si Jesus, ne mid-uman sikandin med-insà diyà te nengetig̵um he menge etew ke hengkey is egkesuatan dan,

Lucas 23:5

Iyan, nasì nememensag is menge etew zutun he egkag̵i te, “Edsinamuk is menge etew he ebpemineg te menge penurù keniyan! Mibpuunan din is kebpenurù din diyà te prubinsya he Geliliya ne midtukid din daan is menge inged dini te prubinsya he Hudiya, Ne g̵untaan, dini en maan sikandin te Hiruselim.”

Nengeulaula 21:38

Kenè ke ve iyan kes tig-Ihiptu he malù en neug̵et guntaan he midsukul te gubirnu ne mibpengulu te heepat he libu he menge tulisan diyà te tanà he kenà ed-ubpaan te etew?”

Nengeulaula 3:14

iyan, sikiyu, wazè niw mesuati sikandin is wag̵as he wazà kandin he mezaat he ulaula. Midhangyù kew he iyan libriya ni Pilatu kes teremunù he nepirisu.