Lucas 23:10 - Manobo Western Bukidnon

¹⁰ Ne zutun, haazà is menge punuan he menge memumuhat wey is menge menunudlù te kesug̵uan, ne mid-uvey zan ne utew meinit is gehinawa zan te kedsumbunga zan ki Jesus.

Lucas 23:10 Кръстосани препратки

Mateo 27:12

Iyan, dutun te migkag̵i en te menge punuan te menge memumuhat wey menge ebmeg̵urangen te menge Hudiyu ziyà te ki Pilatu is sumbung dan mehitenged ki Jesus ne wazà haazà tevaka ni Jesus.

Lucas 11:53

Ne hein mid-awà si Jesus dutun te valey te Perisiyu, midreg̵enreg̵en sikandin te menge Perisiyu wey menge menunudlù te kesug̵uan. Mezakel is menge insè dan kandin su edteg̵elen dan sikandin wey meketavak

Lucas 23:11

Ne zutun si Hirudis wey is menge sundaru zin, ne mibaleyvaley zan si Jesus ne mid-eled-eled dan sikandin. Ne midsun-uzan dan te meupiya he bisti su uvag kun hadì, ne zutun impelikù dan diyà te ki Pilatu.

Lucas 23:2

Ne hein nekeuma zan dutun ne impezineg dan ki Pilatu is menge sumbung dan. Ke sikandan te, “Midsusi zey heini is etew ne netuenan dey he edsinamuk kayi te inged tew su ibpeengked din is menge etew he ebayad te vuhis diyà te lavew he hadì tew ziyà te inged he Ruma. Ne kenà duen dà taman su egkeg̵iyen din he iyan sikandin si Kristu, he ke và dà egkeg̵iya, hadì.”

Lucas 23:5

Iyan, nasì nememensag is menge etew zutun he egkag̵i te, “Edsinamuk is menge etew he ebpemineg te menge penurù keniyan! Mibpuunan din is kebpenurù din diyà te prubinsya he Geliliya ne midtukid din daan is menge inged dini te prubinsya he Hudiya, Ne g̵untaan, dini en maan sikandin te Hiruselim.”

Lucas 23:9

Ne zutun mezakel is menge insà ni Hirudis ki Jesus, iyan, wazà si Jesus medtavak.

Nengeulaula 24:5

Iyan is: netuenan dey he heini is etew, utew mesamuk, su is menge vaal zin, ne iyan idsinamuk te menge Hudiyu ziyà te minsan hendei. Ne sevaha zaan sikandin he egalen te menge etew he egngezanan te menge Neserinu.