Lucas 22:62 - Manobo Western Bukidnon

⁶² Ne zutun mid-awà si Pedro zutun te menge etew ne nekelelendag is edsineg̵ew.

Lucas 22:62 Кръстосани препратки

Mateo 26:75

Ne human metenuzi ni Pedro sikan is migkag̵i kandin ni Jesus he, “Te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala.” Ne zutun migawas si Pedro ne nekelelendag.

Mateo 5:4

Utew zeyzey sikandan is ibmesakit te g̵ehinawa zan is mezaat he ulaula su edlenganen sikandan te Megbevayà.

Marcos 14:72

Ne zutundutun mid-ukarà is manuk te ikezuwa ne human metenuzi ni Pedro sikan is migkag̵i kandin ni Jesus he ke sikandin te, “Te kenè pe kan ed-ukarà is manuk te kezezuwa, ne ketetelu ke en ebpekekag̵i he kenà a kenikew egkekilala.” Ne zutun nekelelendag si Pedro su utew mibmesakit is gehinawa zin.

Lucas 22:61

Ne zutun midlilingey ni Jesus si Pedro ne midtengtengan din. Ne zutun human metenuzi ni Pedro sikan is migkag̵i ni Jesus kandin he, “Te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala.”

Lucas 22:63

Ne haazà is menge etew he ebantey ki Jesus, ne mid-eled-eled dan sikandin. Ne mibagkes dan is menge mata zin ne midsumbag dan sikandin, ne ke sikandan te, “Tegnaa nu ke hentei is midsumbag kenikew.”

1 Kurintu 10:12

Ne tenged kayi, haazà is etew he egkeisip din he mezesen en is kedtuu zin, ne kinahanglan he purungi zin pa heg̵eta is kedtuu zin su kela ke mekesalà sikandin gihapun.