Lucas 22:60 - Manobo Western Bukidnon

⁶⁰ Iyan, midtavak en maan si Pedro te, “Kenè ku egketuenan heeyan is migkag̵i niw.” Ne zutun te kemulu pa egkag̵i si Pedro ne mid-ukarè en is manuk.

Lucas 22:60 Кръстосани препратки

Mateo 26:34

Ne zutun migkag̵i si Jesus diyà te ki Pedro te, “Benar is egkeg̵iyen ku kenikew he te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala!”

Lucas 22:34

Ne zutun midtavak si Jesus te, “Utew venar, Simon, is egkeg̵iyen ku kenikew he kengkuwan te mezukilem te kenè pa ed-ukarà is manuk ne ketetelu ke en ebpekekag̵i he kenà a kenikew egkekilala.”

Lucas 22:59

Ne netegteg̵aad pa maan dutun ne zuen en maan sevaha he etew he nekekilala ki Pedro he ke sikandin te, “Tutuu iyan he zuma zaan heeyan dutun te midakep su egketuusan he tigGeliliya zaan sikandin.”

Lucas 22:61

Ne zutun midlilingey ni Jesus si Pedro ne midtengtengan din. Ne zutun human metenuzi ni Pedro sikan is migkag̵i ni Jesus kandin he, “Te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala.”

Juan 18:27

Ne mibarew en maan si Pedro ne segugunà mid-ukarà is manuk.