Lucas 22:56 - Manobo Western Bukidnon

⁵⁶ Ne zuen dutun sulug̵uen he vahi ne neehè din si Pedro is edhidhizazang. Ne midtengtengan din si Pedro ne migkag̵i te, “Minsan heeyan is maama ne zuma keniyan te midakep dan.”

Lucas 22:56 Кръстосани препратки

Mateo 26:69

Ne si Pedro, diyà te lama is ebpimpinuu. Ne zuen sulug̵uen he vahi he mid-uvey ziyà te kandin is egkag̵i te, “Sikew, duma ka zaan ni Jesus he tigGeliliya.”

Marcos 14:17

Ne hein mezukilem dutun, si Jesus wey is sepulù wey zezuwa he sumusundan din, nekeuma zan dutun te valey.

Marcos 14:6

Ne migkag̵i zutun si Jesus te, “Pesegdana niw sikandin. Maan is edsewayen niw sikandin? Utew meupiya heini is mid-ulaula zin dini te kediey.

Marcos 8:25

Ne zutun mid-umanan dempaa ni Jesus haazà is mata zutun te lakap. Ne zutun mibpurung mebpenlangulangu haazà is lakap ne egkemelmeleg̵an din en is menge etew te ed-ahà su mibmeupiye en is mata zin.

Lucas 22:55

Ne zuen hapuy ziyà te lama zutun te valey ne zuen menge etew he ebpemenhizazang. Ne mid-uvey zutun si Pedro ne midhizazang daan.

Lucas 22:57

Ne midtavak si Pedro te, “Bayi, kenè ku egkekilala heeyan is midakep dan.”

Juan 18:17

Ne haazà is bahi zutun te pultahan, mid-insaan din si Pedro te, “Sumusundan ke ve zaan keniyan te etew?” Ne midtavak si Pedro te, “Kenà.”