Lucas 22:43 - Manobo Western Bukidnon

⁴³ Ne zutun te ked-ampù din ne nekeuma is belinsug̵uen te Megbevayà he ebpuun te langit su edlig-enan din is gehinawa ni Jesus.

Lucas 22:43 Кръстосани препратки

Mateo 26:53

Wazè nu ve metueni he emun ebpetavang a te Amey ku he Megbevayà ne edliblibuwen is ibpehendini zin he velinsug̵uen din?

Mateo 4:11

Ne zutun mid-awà si Setanas ne nekeuma is menge velinsug̵uen te Megbevayà ne imbeg̵ey zan ki Jesus is egkinehenglanen din.

Mateo 4:6

Ne migkeg̵iyan din te, “Emun tutuu iyan he Anak ka te Megbevayà, umpak ka su zuen insurat he Lalag te Megbevayà he edhenduen te, ‘Ebpetevangan ka te Megbevayà te menge velinsug̵uen din ne edtemukan ke zan su wey kenà egkerudruzan is minsan paa nu te vatu.’ ”

Lucas 22:32

Iyan, in-ampù ku sikew, Simon, diyà te Megbevayà he kenà maawà is kedtuu nu kediey. Ne emun melig-en en is kedtuu nu kediey ne himuwa nu he mebmelig-en daan is kedtuu te menge zuma nu.”

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Nengeulaula 18:23

Ne hein malù sikandin neug̵et dutun ne midlaus en maan. Mid-eneb din is menge prubinsya he Perigya wey Gelasya ne midheg̵etan din is kedtuu te menge sumusundan ni Jesus dutun.

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

Hibriyuhanen 1:14

Iyan, is menge velinsug̵uen te Megbevayà, menge sulug̵uen dà sikandan te Megbevayà. Kenè tew egkeahà, iyan, edsug̵uen din sikandan wey kiw zan metevangi is menge etew he edtulusen keuzemà.

Hibriyuhanen 1:6

Ne migkag̵i zaan is Megbevayà mehitenged te kakey he Anak din dutun te timpu te kedsug̵ua zin kandin dini te kelibutan, ke sikandin te, “Kinahanglan he ed-ezapen sikandin te langun he menge velinsug̵uen te Megbevayà.”

Hibriyuhanen 2:17

Umba kinahanglan he ebpeetew sikandin su wey mehimu sikandin he iring kenitew te menge suled din te minsan hengkey he paag̵i. Ne mid-ulaula zin heini su wey mehimu sikandin diyà te etuvangan te Megbevayà he iring te lavew he memumuhat tew he utew hihizuwen wey metinumanen su wey zin mepalis is menge salè tew.