Lucas 22:38 - Manobo Western Bukidnon

³⁸ Ne zutun migkag̵i is menge sumusundan din te, “Ahaa nu man su zuen dey en dezuwa he sundang.” Ne ke si Jesus te, “Ne netengkaan en heeyan.”

Lucas 22:38 Кръстосани препратки

Mateo 26:51

Ne sevaha zutun te zuma ni Jesus, nekehulavut te sundang din, ne midtibas din is sulug̵uen te lavew he memumuhat ne netenaan haazà diyà te telinga, ne nesapla haazà is telinga zin.

Lucas 22:36

Ne migkag̵i si Jesus te, “Iyan, guntaan, emun duen selapì niw wey ed-ilisan niw ne uwita niw en. Ne sikan is wazè din ubpit ne ivelegyè din is kumbalè din wey mekepemasa te sundang.

Lucas 22:49

Ne hein netuenan dutun te menge sumusundan ni Jesus ke hengkey is ed-ul-ulahan te menge etew, migkag̵i zan diyà te ki Jesus te, “Menu, Datù, egkesuatan nu ve he edsukul key su heini zed is sundang dey?”

Juan 18:36

Ne midtavak si Jesus te, “Is keg̵ehem ku te kedhadì, kenà dini ebpuun te kelibutan. Su ke zini ebpuun mibpekidtebek en geina is menge sakup ku wey a kenà mezakep te menge Hudiyu, iyan, kenà dini te kelibutan ebpuun is keg̵ehem ku te kedhadì.”

1 Tiselunika 5:8

Iyan, sikitew mulà is nesakup te maandew, kinahanglan he ed-eg̵enen tew is menge mezaat he suat tew. Idsun-ud tew is limbutung he iyan is kedtuu tew te Megbevayà wey is kebmahala tew zini te g̵ehinawa tew te menge zuma tew. Ne iring te kalù tew te sundaru is kedhemeni tew te kebperateng tew te kedlibriya te Megbevayà kenitew te silut.

1 Pedro 5:9

Sukuli niw sikandin, ne hamen kew sarig te Megbevayà su netuenan niw he is menge zuma niw he tumutuu zini te tivuuk he kelibutan, ebpekeantus dan daan te merasey he iring te egkeantus niw.