Lucas 22:35 - Manobo Western Bukidnon

³⁵ Ne zutun migkag̵i si Jesus diyà te kandan te, “Hein midsug̵ù ku sikiyu zengan he indawey ku keniyu he wazà med-uwit te selapì, ne wazà med-uwit te ed-ilisan, ne wazà daan med-uwit te ed-ilisan he sepatus, ne hengkey is kurang niw zutun te kedhipanew niw?” Ne midtavak dan te, “Wazè dey kurang.”

Lucas 22:35 Кръстосани препратки

Lucas 10:4

Kenè kew med-uwit te selapì, wey kempilù, wey sepatus he ed-ilisan niw. Ne kenà utew melug̵ayad is kedlelag̵i niw te etew he egkeuma niw ziyà te zalan.

Lucas 22:34

Ne zutun midtavak si Jesus te, “Utew venar, Simon, is egkeg̵iyen ku kenikew he kengkuwan te mezukilem te kenè pa ed-ukarà is manuk ne ketetelu ke en ebpekekag̵i he kenà a kenikew egkekilala.”

Lucas 22:36

Ne migkag̵i si Jesus te, “Iyan, guntaan, emun duen selapì niw wey ed-ilisan niw ne uwita niw en. Ne sikan is wazè din ubpit ne ivelegyè din is kumbalè din wey mekepemasa te sundang.

Lucas 9:3

Ne midteleenan din sikandan he ke sikandin te, “Kenè kew uwit te menge azen niw te kedhipanew niw; minsan tuked, ne kenè niw uwita; kenè kew kekempilù, kenè kew lulutù, kenè kew uwit te selapì, ne minsan is ed-ilisan, ne kenè niw zaan uwita.

2 Kurintu 8:15

Iring heini te insurat dengan he Lalag te Megbevayà su edhenduen heini te, “Haazà is etew he nekekuwa te zekelà, wazà gihapun mesubrahi is nekuwa zin. Ne haazà is etew he zeisek is nekuwa zin, wazè din daan kurang.”