Lucas 22:33 - Manobo Western Bukidnon

³³ Ne midtavak si Pedro te, “Kenà a edsuwey kenikew! Su minsan ke egkepirisu ka ne eduma e en kenikew; ne ke edhimetayan ka ne ed-unung e en kenikew!”

Lucas 22:33 Кръстосани препратки

Mateo 20:22

Ne migkeg̵iyan ni Jesus haazà is dezuwa te, “Wazè niw mesavut ke hengkey is edhengyuen niw. Egkeantus niw ve is merasey he ibpaantus kedì?” Ne midtavak dan is dezuwa te, “Uya, egkeantus dey.”

Marcos 14:29

Ne zutun migkag̵i si Pedro ziyà te kandin te, “Minsan ke edluyahan is kedsarig kenikew kayi te langun he menge zuma ku ne kenà mulà edluyahan is kedì, minsan egkemenumenu.”

Marcos 14:31

Ne wazà mevenari zutun si Pedro, ke sikandin te, “Minsan pa ke edhimetayan a zuma kenikew ne kenà a egkag̵i he wazè ku sikew mekilala.” Haazà he lalag, iyan daan pesarig dutun te menge zuma zin he menge sumusundan.

Lucas 22:34

Ne zutun midtavak si Jesus te, “Utew venar, Simon, is egkeg̵iyen ku kenikew he kengkuwan te mezukilem te kenè pa ed-ukarà is manuk ne ketetelu ke en ebpekekag̵i he kenà a kenikew egkekilala.”

Lucas 22:57

Ne midtavak si Pedro te, “Bayi, kenè ku egkekilala heeyan is midakep dan.”

Juan 13:38

Ne midtavak si Jesus te, “Ebpehimatey ke ve tenged kediey? Benar iyan is egkeg̵iyen ku kenikew he te kenè pe kan ebpengukarà is manuk ne ketetelu ke en ebpekekag̵i he kenà a kenikew egkekilala.”

Nengeulaula 21:13

Iyan, midtavak si Pablo te, “Maan is edhimuwen niw he utew a meseeng pinaag̵i te kedsineg̵ew niw? Su emun intug̵ut en te Nengazen tew he si Jesus he iyan heeyan egkehitavù kedì, andam ad, kenà te kebpepirisu zà, kekenà, minsan te kebpehimatey ziyà te Hiruselim.”