Lucas 22:15 - Manobo Western Bukidnon

¹⁵ Ne migkag̵i si Jesus diyà te kandan te, “Utew zekelà dini te g̵ehinawa ku heini is kegkesevaha tew te kegkaan te idlavung kayi te Pista te Kedlevayi te kenè e pa ebpatey.

Lucas 22:15 Кръстосани препратки

Lucas 12:50

Duen ibewtismu kedì he iyan is dekelà pa he menge kemeresayan he egkeulaula ku he wazè pa mengetuman. Henduen a te ed-utuk te langit taman te kenè ku pa heini egkeliyu.

Lucas 22:14

Ne hein iyan en uras te kedlavung ne mibpinuu si Jesus wey is menge epustul zin is ebpemengaan.

Lucas 22:16

Su venar is egkeg̵iyen ku, kenà ad maan egkaan te idlavung te kedlevayi taman te timpu keuzemà ke egketuman is hustu he kehulug̵an din dutun te kedhedii te Megbevayà te menusiyà.”

Juan 13:1

Sengeandew pa zutun ne egketuman en is Pista te Kedlevayi. Netuenan ni Jesus he uvey en is ked-awè din dini te kelibutan su ed-ulì en diyà te Amey zin he Megbevayà. Utew mahal ziyà te g̵ehinawa zin is menge sumusundan din dini te kelibutan, ne zutun ibpeehè din ke hengkey kemahal sikandan diyà te g̵ehinawa zin.

Juan 17:1

Ne hein nekepasad si Jesus dutun he egkag̵i, midlingahà diyà te langit ne ke sikandin te, “Amà, iyan en heini sikan is netagnà he timpu. Ipeehè nu en is dekelà he bentug̵an ku te Anak nu wey ku zaan ikepaahà is kezekelà te kenikew he bentug̵an.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.