Lucas 21:20 - Manobo Western Bukidnon

²⁰ Ne mid-uman megkag̵i si Jesus te, “Ne emun egkeehè niw heini is inged he Hiruselim he egkelingutan en te menge kuntada niw he sundaru ne egketuenan niw he meg̵aan en egkezeeti.

Lucas 21:20 Кръстосани препратки

Mateo 24:15

Si Daniel, sikan is ebpeneuven te Megbevayà dengan, netagnè din is egngezanan te melimezang he ebpekekaid. (Is ebpekevasa kayi te netagnè din, kinahanglan he sevuta zutun te nekevasa haazà is nevasa zin.) Ne emun egkeehè niw he ziyè en heini ebpekehitindeg te Valey te Megbevayà,

Marcos 13:14

Ne is egngezanan te melimezang he ebpekekaid, emun egkeehè niw he ziyè en haazà te simbahan he Valey te Megbevayà he wazà itug̵ut kandin, ne sikan is diyà te prubinsya he Hudiya, mebpelag̵uy zan pehendiyà te vuntud. (Is ebpekevasa kayi te tagnà dengan mehitenged kayi, kinahanglan he sevuta zin.)

Lucas 19:43

Ne zuen andew he zutun egkeumahan kew te menge kuntada niw ne egkelingutan kew ne edtebeken kew zan ne kenè kew ebpekeg̵awas dutun.

Lucas 21:7

Ne mid-insaan dan si Jesus, ke sikandan te, “Datù, keg̵iyi key ke keenu egkehitavù heini is langun wey ke hengkey is egkeulaula he tuus he iyan en timpu he egketuman heini is langun he migkag̵i nu g̵eina?”

Hibriyuhanen 11:30

Ne zuen daan kedtuu te menge kevuwazan ni Israyil, su hein nemekeuma zan dutun te ingkutà te inged he Hiriku ne kada andew seled te pitu he andew ed-elingkus dan dutun te kutà, ne zutun migevà te Megbevayà haazà is kutà.

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.