Lucas 21:10 - Manobo Western Bukidnon

¹⁰ Ne mid-uman megkag̵i si Jesus te, “Su ebpekidtebek is sengeinged te zuma zin he inged, ne egira is sengeg̵inhedian te zuma zin he g̵inhedian.

Lucas 21:10 Кръстосани препратки

Marcos 13:8

Su ebpekidtebek is sengeinged te zuma zin he inged ne egira is sengeg̵inhedian te zuma zin he g̵inhedian. Egkehitavù is linug diyà te mezakel he menge inged ne zuen menge inged he ebitilen. Iyan, heini he egkehitavù, ne iring te ed-anak he sikan pa ebpuunà is belilit din.

Lucas 21:11

Egkehitavù diyà te minsan hendei is menge mezesen he linug wey mepait he vitil ne ziyà te mezakel he menge inged ebpekeeneb is daru. Ne zuen egkeehè niw he utew igkeinuinu wey mekehandekhandek he singyal he ebpuun te langit.

Lucas 21:9

Ne emun egkezineg niw ziyà te uvey niw is meg̵urub tenged te g̵ira ne egkezineg niw zaan is tudtul te menge g̵ira ziyà te meziyù he tanà ne kenè kew mahandek su kinahanglan he egkeulaula is iring kayi, iyan, kenà iyan heini tuus he egketapus en heini is timpu.”

Nengeulaula 11:28

Is sevaha zutun he migngezanan ki Egebu, ne mid-ulinan te Megbevayà, ne midhitindeg sikandin ne midtagnè din is utew zekelà he vitil he ebpekeeneb te tivuuk he kelibutan. (Ne nehitavù heini hein iyan pa hadì diyà te Ruma si Claudio.)

Hibriyuhanen 12:27

Ne iyan kehulug̵an kayi te menge lalag he edhenduen te, “ed-umanan din ibpekerker” is: id-awè din is minsan hengkey he egkewaleng su wey iyan dà metag̵ak is minsan hengkey he kenà egkewaleng.