Lucas 20:6 - Manobo Western Bukidnon

⁶ Ne emun egkeg̵iyen tew he isip dà te etew, ne egkepeukan kiw te menge etew. Ne edtulengen kiw zan te vatu wey kiw zan mehimetayi su is menge etew, edtuuwan dan he ebpeneuven si Juan te Megbevayà.”

Lucas 20:6 Кръстосани препратки

Mateo 11:9

Ne hengkey is inhilesunga niw? Ed-ehè kew ve te etew he ebpeneuven te Megbevayà? Iyan haazà tutuu he ed-ahaan niw su ebpeneuven iyan si Juan. Iyan, kenà te ebpeneuven dà

Mateo 21:26

Ne emun egkeg̵iyen ta he etew zà, ebpemiligru ki te menge etew su midtuu zan he ebpeneuven si Juan te Megbevayà.”

Mateo 21:46

Iyan, hein ed-isipen dan en edekepa si Jesus, kenè dan egkehimu su egkehandek dan te mezakel he menge etew su midtuu is menge etew he ebpeneuven si Jesus te Megbevayà.

Mateo 26:5

“Deyzey nasì,” ke sikandan, “ke kenè tew sikandin edekepen dutun te timpu te pista su kela ke edsinamuk is menge etew.”

Marcos 12:12

Ne zutun, haazà is menge punuan te menge Hudiyu, nesavut dan he iyan sikandan ebpesumbingayan ni Jesus dutun te sempità he migkag̵i zin, ne ed-isipen dan en pezem edekepa si Jesus, iyan, wazè dan mehimu haazà is ed-isipen dan su nahandek dan te mezakel he menge etew. Ne zutun nepesagdan dan si Jesus ne mid-ewaan dan.

Lucas 1:76

Ne zutun migkeg̵iyan ni Zacarias haazà is anak din te, “Ne sikew, anak ku, iyan ka egeraran keuzemà he ebpeneuven te utew lavew he Megbevayà. Edsug̵uen ke zin he ibpehuna zuen te Nengazen tew su wey nu mekeg̵iyi is menge etew he endami zan is kebpekeuma zin.

Lucas 20:5

Ne zutun mibpein-inseey zan is egkag̵i te, “Emun egkeg̵iyen tew he impenaub ki Juan te Megbevayà ne id-insè din ke maan is wazè tew tuuwi si Juan.

Lucas 20:7

Ne zutun iyan dà ingketavak dan ki Jesus is, “Kenè dey egketuenan.”

Lucas 7:30

Iyan, is menge Perisiyu wey is menge menunudlù te kesug̵uan te menge Hudiyu, wazè dan mulà pezumdumahi is egkesuatan te Megbevayà he ibpeulaula kandan ne wazè dan daan mebpebewtismu ki Juan.

Juan 10:41

Mezakel he menge etew is midhendiyà te kandin su egkeisip dan he, “Minsan ke wazà egkein-inuwan he mibeelan dengan ni Juan, utew venar is langun he migkag̵i zin mehitenged ki Jesus.”

Nengeulaula 5:26

Ne zutun mibeyaan haazà is menge epustul zutun te kepitan wey menge pulis ne mid-uwit dan sikandan diyà te menge punuan, ne wazà bug̵ela zutun te pulis haazà is menge epustul su nahandek dan te menge etew su kela ke tulenga sikandan te vatu.