Lucas 20:35 - Manobo Western Bukidnon

³⁵ iyan, haazà is menge etew he ed-isipen te Megbevayà he zait he ebenhawen he ibpeubpà diyà te langit, kenè dan mulà keuzemà diyà te langit ebpees-eseweey.

Lucas 20:35 Кръстосани препратки

Mateo 12:32

Sikan is edsumpalit kedì te Kakey te Menusiyà, egkepesaylu pa; iyan, sikan is edsumpalit te Wag̵as he Mulin-ulin, kenè en egkepesaylu te wazè din pidtemanan.

Mateo 22:29

Ne midtavak kandan si Jesus te, “Nengesayep kew utew! Iyan is wazè niw mesavut sikan is ingkengesurat he menge Lalag te Megbevayà ne wazè niw zaan mesavut he mekeg̵eg̵ehem is Megbevayà te kebpemanhew te menge minatey.

Marcos 10:42

Ne tenged dutun mid-umew ni Jesus sikandan langun ne ke sikandin te, “Netuenan ta he is menge punuan te menge inged, ne utew memevurut. Edatùdatù dà sikandan is layun ebmandar te menge etew.

Marcos 12:24

Ne zutun, midtavak ni Jesus sikandan te, “Umba ves nengesayep kew su wazè niw mesavut sikan is ingkesurat he Lalag te Megbevayà, ne wazè niw zaan mesavut he mekeg̵eg̵ehem sikandin te kebpemanhew te menge minatey.

Lucas 16:8

Ne zutun,” ke si Jesus, “hein nezineg haazà dutun te egalen din ke hengkey is mid-ulaula zutun te sulug̵uen din, ne nekekag̵i te, ‘Hey, utew metau sikandin su ebpeneg̵ane en sikandin he zaan te keuyag̵an din keuzemà.’ ” Ne ke si Jesus te, “Is menge etew he kenà ebpemineg te menge lalag te Megbevayà, utew metau te paag̵i te kegkezeyzey zan. Iyan, is menge etew he sakup te Megbevayà, kenè dan bes mulà utew metau te paag̵i wey mezeyzey sikandan keuzemà diyà te langit.

Lucas 21:36

Umba, mebpekevantey kew, ne layun kew ampù, su pinaag̵i zà te ked-ampù ne edlig-enan kew te Megbevayà ne kenè kew egkekeizan kayi te langun he egkengeseg̵azan niw, ne human kenè kew zutun egkeeled ke ebpekeetuvang kew kedì,” ke si Jesus.

Juan 5:29

ne egkengevanhew zan. Ne is nemekevaal mulà te meupiya, duen dan untung he wazà pidtemanan. Ne is nemekevaal te mezaat, egkengevanhew sikandan wey mesiluti.

Nengeulaula 24:15

Is edtuuwan kayi te menge etew, edtuuwan ku zaan su edtuu a he is Megbevayà, ebenhawen din keuzemà is langun he etew, se meupiya is ulaula zin se mezaat is ulaula zin.

Nengeulaula 5:41

Ne is menge epustul, migenat dan ne utew zan nelipey su mid-isip sikandan te Megbevayà he meinentusen te ked-el-eleza kandan tenged te kedtuu zan ki Jesus.

2 Tiselunika 1:5

Heini is kedsarig niw wey ked-antus niw, ne iyan tuus he metazeng is kukuman te Megbevayà su pinaag̵i te memerasey he egkeantus niw, ibpeehè din he zait kew he idragkes dutun te menge etew he edhedian din.

Hibriyuhanen 11:35

Ne zuen daan menge vahi zengan he zekelà is kedtuu zan ne pinaag̵i kayi nevanhew is menge anak dan he minatey en. Ne zuen pa zaan menge tumutuu zengan te Megbevayà he midakep, ne minsan pa te midrasey sikandan taman te kebpatey, wazè dan medlekà te kedtuu zan su wey sikandan keuzemà egkevanhew zutun te tuwas pa he meupiya he untung.

Impezayag 3:4

Deisey kew zà diyan te Sardis is wazà mevuringi is bisti zin, he ke và dà egkeg̵iya, wazà medtampu te mezaat he ulaula. Ne ebpekezuma kew kedì he edsun-uzan te meputì su zait kew he ebpekiduma kedì.