Lucas 20:24 - Manobo Western Bukidnon

²⁴ “Ipeehè niw kediey is selapì he ibayad niw te vuhis.” Ne hein naahà ni Jesus haazà ke sikandin te, “Hentei ki zagwey kayi wey hentei ki ngazan heini is nekesurat kayi?” Ne ke sikandan te, “Dagwey wey ngazan te hadì diyà te inged he Ruma.”

Lucas 20:24 Кръстосани препратки

Mateo 18:28

Ne zutun mid-awà haazà is sulug̵uen ne neuma zin is sulug̵uen daan dutun te hadì he utangan diyà te kandin haazà is iring din he sulug̵uen te pira zà he pisus. Ne migewezan din haazà ne mibpekel zin te egkag̵i te, ‘Beyazi nu kes utang nu kedì!’

Mateo 20:2

Is aney he nengeehè din, mid-uyun dan he ebeyazan din is uman sevaha kandan te sengeelad he pelata su iyan haazà neleyaman he suhul te sevaha he etew te sengeandew. Ne zutun impepuun din en haazà is menge etew he edsuhulan din ipeterebahu zutun te perasan din.

Mateo 22:20

Ne mid-insà si Jesus te, “Hentei ki zagwey wey ngazan heini is nekesurat kayi?”

Marcos 12:16

Ne impeehè dan dutun ki Jesus is sengeelad he selapì. Ne ke si Jesus te, “Hentei ki zagwey wey ngazan heini is nekesurat kayi?” Ne midtavak dan te, “Ngazan wey zagwey te hadì diyà te Ruma.”

Lucas 2:1

Ne hein iyan pa si Augusto hadì diyà te inged he Ruma, mibaal sikandin te velaud he mebpesinsus is langun he menge etew te seled te menge g̵inhedian he sakup din.

Lucas 20:22

Hengkey is isip nu? Ebpekesupak ki ve te kesug̵uan tew ke ebayad ki te vuhis diyà te hadì tew ziyà te inged he Ruma?”

Lucas 20:23

Ne netuenan ni Jesus is mezaat he ed-ul-ulahan dan ne ke sikandin diyà te kandan te,

Lucas 20:25

Ne ke si Jesus te, “Ne emun kandin, ne iyan egkesuatan din, iveg̵ey niw ziyà te kandin; ne iveg̵ey niw zaan diyà te Megbevayà is kandin he azen.”

Lucas 23:2

Ne hein nekeuma zan dutun ne impezineg dan ki Pilatu is menge sumbung dan. Ke sikandan te, “Midsusi zey heini is etew ne netuenan dey he edsinamuk kayi te inged tew su ibpeengked din is menge etew he ebayad te vuhis diyà te lavew he hadì tew ziyà te inged he Ruma. Ne kenà duen dà taman su egkeg̵iyen din he iyan sikandin si Kristu, he ke và dà egkeg̵iya, hadì.”

Lucas 3:1

Ne zutun te ikesepulù wey lelima he tuig te kedhadì ni Hadì Tibiryu ziyà te inged he Ruma duen impesavut te Megbevayà diyà te ki Juan he anak ni Zacarias. Ne ziyà si Juan te tanà he wazà duen ed-ubpà he menge etew. Ne zutun he timpu iyan gubirnedur ziyà te prubinsya he Hudiya si Punsyu Pilatu. Ne ziyà te prubinsya he Geliliya iyan gubirnedur si Hirudis. Ne si Felipe, is hazi ni Hirudis, iyan gubirnedur ziyà te menge prubinsya he Iturya wey Terekuniti. Ne si Lisanyas, iyan gubirnedur diyà te prubinsya he Ebilinya. Ne si Anas wey si Keyipas, ne iyan menge lavew he memumuhat diyà te inged he Hiruselim.

Nengeulaula 11:28

Is sevaha zutun he migngezanan ki Egebu, ne mid-ulinan te Megbevayà, ne midhitindeg sikandin ne midtagnè din is utew zekelà he vitil he ebpekeeneb te tivuuk he kelibutan. (Ne nehitavù heini hein iyan pa hadì diyà te Ruma si Claudio.)

Nengeulaula 26:32

Ne migkag̵i zaan si Egripa ziyà te ki Pistu te, “Angin ke kenà sikandin ebpeimbistiga te hadì diyà te Ruma su egkehimu en he ibpaawà.”

Pilipus 4:22

Ne is langun he menge zuma ku he tumutuu kayi te inged, lavew en is menge suled tew he zini ed-ubpà te valey te hadì, ebpengemusta zan daan keniyu.