Lucas 20:16 - Manobo Western Bukidnon

¹⁶ Iyan is: ebeyaan din haazà is menge etew ne ebpenhimetayan din, ne ebpeelimahan din haazà is perasan din te selakew en maan he menge etew.” Ne hein nezineg dutun te menge etew he ebpemineg ki Jesus ne utew zan neseeng ne ke sikandan te, “Kenà heeyan ed-ul-ulahan te Megbevayà!”

Lucas 20:16 Кръстосани препратки

Mateo 21:34

Ne hein tirag̵un en dutun, midsug̵ù din is menge sulug̵uen din he ibpekuwa te vahin din dutun te perasan din.

Mateo 21:41

Ne midtavak dan te, “Iyan is: ebpenhimetayan din haazà is impemeelima zin ne ebpeelimahan din maan haazà is perasan te selakew en he menge etew he ebeg̵ey mulà te vahin ke egkeuma is tirag̵un.”

Mateo 22:7

Ne zutun utew nepauk haazà is hadì. Midsug̵ù din is menge sundaru zin ne sikan is nemumunù, mibpenhimetayan te menge sundaru ne mibinsulan dan is inged dutun te mibpenhimetayan dan.

Marcos 12:9

Ne mid-uman megkag̵i si Jesus te, “Ne g̵eina te iyan haazà mid-ulaula zutun te impemeelima te perasan, hengkey is ed-ul-ulahan kandan dutun te teg̵ig̵aked? Ebeyaan din haazà is menge etew ne ebpenhimetayan din ne ebpeelimahan din haazà is perasan din te selakew en maan he menge etew.”

Lucas 19:27

Ne mid-uman megkag̵i haazà is hadì te, ‘Ne sikan is menge etew he kenè dan egkesuat he iyan a mekehadì kandan, ne uwita niw zini ne penhimetayi niw sikandan dini te etuvangan ku.’ ”

Lucas 20:15

Ne migewezan dan ne mid-uwit dan diyà te g̵awas te perasan ne midhimetayan dan.” Ne zutun migkag̵i med-uman si Jesus te, “Ne g̵eina te iyan haazà mid-ulaula zutun te impemeelima te perasan, hengkey is ed-ul-ulahan kandan dutun te teg̵ig̵aked?

Nengeulaula 13:46

Ne minsan pa zutun wazà mahandek si Pablo wey si Bernabe su ke sikandan dutun te menge Hudiyu te, “Kinahanglan he edhunaan dey sikiyu is menge Hudiyu edtudtuli te ibpesavut te Megbevayà, iyan, geina te kenè niw edewaten, ibpeehè niw he kenè kew zait he ebeg̵ayan te untung he wazà pidtemanan. Ne tenged dutun kenè dey en maan ibpesavut is Meupiya he Tudtulanen diyan te keniyu, kekenà, edhendiyè key te kenà menge Hudiyu.

Ruma 11:1

Ne kenè tew ed-isipen he tenged te wazà medtuu is menge etew he kevuwazan ni Israyil, mid-engkezan en te Megbevayà is tivuuk he kehudiyuwan su siak, Hudiyu a zaan iring kandan; kepuun ku si Abraham su kevuwazan a he ebpuun duen te sevaha he kevuwazan din he si Benjamin.

Ruma 11:11

Ne nekeurambak is menge zuma ku he Hudiyu pinaag̵i te kenè dan kedtuu ki Kristu, iyan, kenè niw isipa he kenà egkehimu te Megbevayà he mekelikù dan te kedtuu. Tenged te kenè dan kebpemineg te Lalag te Megbevayà nehimu he nengelibri te silut is menge kenà Hudiyu su wey meima is menge Hudiyu. Ne umba nehimu heini su wey likui te menge Hudiyu is kedtuu zan ke egkeehè dan he nengelibri en is kenà menge Hudiyu.

Ruma 3:31

Ibpesavut ku he iyan dà ketezengan ke maan is ed-isipen ki zin he metazeng is kedtuu ta, iyan, kenè niw isipa he tenged kayi wazè en pulus te menge sug̵ù te Megbevayà su tenged te kedtuu ta ki Jesus, hustu en dutun is kegketumana ta te menge sug̵ù din.

Ruma 3:4

Su minsan ke teruen is tivuuk he menusiyà, tutuu mulà is minsan hengkey he egkeg̵iyen te Megbevayà. Su zuen insurat dengan he lalag ni Hadì David te kedtistig̵usi zin te ketazeng te Megbevayà he edhenduen te, “Kenà egkehimu he kenà hustu is kenikew he ketezengan, su ke idsumbung ka, layun ebpekezaag is kenikew he ketezengan,” ke si David.

Ruma 3:6

Su kenà egkehimu he kenà metazeng is Megbevayà su emun kenà sikandin metazeng, kenà egkehimu he iyan sikandin edhukum keuzemà te tivuuk he menusiyà.

Ruma 6:15

Ne kunaan buwa te zuma ke tenged te kenè en kinahanglan he tumana te pa is kesug̵uan, wey tenged te ingkeg̵ag̵ew ki te Megbevayà, ne egkehimu he ebpeniguduwan te pa is ked-ulaula ta te mezaat, iyan, kenà iyan haazà egkehimu.

Ruma 6:2

Ne kenà heini egkehimu su kenà egkehimu he ebpeniguduwan ta te ed-ulaula is mezaat su wazè en kelavet kenita te mezaat he ulaula. Su iring ki te minatey he naawè en diyà te kandin is daan he untung din.

Ruma 7:13

Ne emun meupiya is kesug̵uan, kela ke ebpekekag̵i ki he tenged te meupiya, he ke và dà egkeg̵iya, tenged te kesug̵uan, nehukuman ad te kemetayen he wazè din pidtemanan. Ne kenà iyan haazà su tenged te mezaat he mid-ulaula ku, midhukuman ad te kemetayen su wey ikepesavut kediey he utew mezaat is kedsupaka ku te kesug̵uan.

Ruma 7:7

Ne kunaan te zuma ke zutun ebpuun te kesug̵uan is menge mezaat he ulaula! Iyan, kenà dutun ebpuun su zaan is ulaula he mezaat dini te kenita. Is kesug̵uan, ne iyan ebpesavut kenita ke hengkey is mezaat he ulaula. Su emun wazà izawey ziyà te kesug̵uan is kegkeima, ne wazè ku g̵eina metueni he mezaat bes is kegkeima he zaan dini te g̵ehinawa ku.

Ruma 9:14

Ne egkehimu he zuen egkag̵i he kenè bes metazeng is paag̵i te Megbevayà su zuen ibpelavi zin. Iyan, kenà iyan haazà ibpesavut ku.

1 Kurintu 6:15

Netuenan niw ve he heini is menge lawa tew te menge tumutuu, ne parti te lawa ni Kristu. Ne tenged kayi kenà egkehimu he egemiten ta is parti te lawa ni Kristu te kedhuliza te vahi he meremerik is ulaula zin.

Gelasya 2:17

Guntaan, egkesuatan ta he isipa ki te Megbevayà he metazeng pinaag̵i ki Kristu. Ne pinaag̵i te kedtuu ta kandin ibpesavut kenita he mesinupaken ki ves daan he iring te kenà menge Hudiyu. Ne emun iyan heini, ne sikita is Hudiyu, egkehimu ve he ebpekekag̵i ki he pinaag̵i ki Kristu nehimu ki en he mesinupaken? Kenà daan egkehimu!

Gelasya 3:21

Ne kunaan niw vuwa ke kenà egkeuyun is kesug̵uan wey is menge penaad dengan te Megbevayà, iyan, kenà egkehimu he kenà heini egkeuyun. Su ke zuen kesug̵uan he pinaag̵i kayi egkeveg̵ayan kiw te untung he wazè din pidtemanan ne siguradu egkehimu kiw he metazeng pinaag̵i zaan kayi te kesug̵uan.

Gelasya 6:14

Siak mulà, iyan ku zà ibpezalig is Nengazen tew he si Jesu Kristu he mibpehimatey he elili kenitew. Ne tenged te kebpehimatey zin, wazè e en meuripen te menge kelibutanen he kebayà, ne wazè en kayi g̵ehem te kebayàbayà kediey.