Lucas 20:15 - Manobo Western Bukidnon

¹⁵ Ne migewezan dan ne mid-uwit dan diyà te g̵awas te perasan ne midhimetayan dan.” Ne zutun migkag̵i med-uman si Jesus te, “Ne g̵eina te iyan haazà mid-ulaula zutun te impemeelima te perasan, hengkey is ed-ul-ulahan kandan dutun te teg̵ig̵aked?

Lucas 20:15 Кръстосани препратки

Lucas 20:14

Iyan, hein naahà dutun te menge impeelima te perasan haazà is anak te teg̵ig̵aked ne mibpevitbitiyereey zan te, ‘Na! Iyan en heini sikan is anak din; kuwa kew en su edhimetayan tew ne iyan kiw ebpekeangken kayi te perasan!’

Lucas 20:16

Iyan is: ebeyaan din haazà is menge etew ne ebpenhimetayan din, ne ebpeelimahan din haazà is perasan din te selakew en maan he menge etew.” Ne hein nezineg dutun te menge etew he ebpemineg ki Jesus ne utew zan neseeng ne ke sikandan te, “Kenà heeyan ed-ul-ulahan te Megbevayà!”

Hibriyuhanen 13:12

Iring din ded daan is neulaula ki Jesus su midhimetayan sikandin diyà te g̵awas te inged ne nehimu is lengesa zin he ibpalis te menge salè tew te menusiyà.