Lucas 20:13 - Manobo Western Bukidnon

¹³ Ne migkag̵i haazà is teg̵ig̵aked te perasan te, ‘Hengkey is ed-ul-ulahan ku? Iyan is: iyan ku en edsug̵uen is mahal ku he anak su kenè dan egkeaku te ebpesipala sikandin, kekenà, edtehuzen dan.’

Lucas 20:13 Кръстосани препратки

Mateo 17:5

Ne te kemulu pa heini is lalag ni Pedro, neselikuvungan sikandan te ebpenganlag he g̵apun. Ne ebpuun dutun te g̵apun nezineg dan is midtik-ew megkag̵i te, “Iyan heini sikan is Anak ku he utew ku minahal; ingkesuat ku utew sikandin. Pemineg̵a niw sikandin.”

Mateo 3:17

Ne zutun nezineg is Megbevayà diyà te langit he egkag̵i, ke sikandin te, “Iyan heini Anak ku he utew ku minahal. Utew ku sikandin igkelipey.”

Lucas 18:2

Ne ke sikandin te, “Duen huwis diyà te sengeinged; ne haazà is huwis, ne kenà egkehandek te Megbevayà ne wazè din daan kedtahud te minsan hentei he etew.

Lucas 18:4

Ne neug̵et en haazà he kenà edseg̵ipaan dutun te huwis is hangyù dutun te vahi. Ne g̵eina te neug̵et en is layun kedlikùlikù dutun te vahi he edhangyù diyà te kandin, ne neisip dutun te huwis is, ‘Minsan wazè ku kehandek te Megbevayà ne wazè ku zaan kedtahud te minsan hentei etawa,

Lucas 20:12

Ne mid-uman en maan medsug̵ù haazà is teg̵ig̵aked te sevaha pa maan he sulug̵uen din ne mibug̵el zan en maan haazà taman te nengepelian ne zutun midsegseg dan sikandin.

Lucas 20:14

Iyan, hein naahà dutun te menge impeelima te perasan haazà is anak te teg̵ig̵aked ne mibpevitbitiyereey zan te, ‘Na! Iyan en heini sikan is anak din; kuwa kew en su edhimetayan tew ne iyan kiw ebpekeangken kayi te perasan!’

Lucas 9:35

Ne nezineg dan is midtik-ew megkag̵i he ebpuun dutun te g̵apun te, “Iyan heini Anak ku he mibpilì ku he ibpahadì. Pemineg̵a niw is menge lalag din.”

Juan 1:34

Neehè ku en,” ke si Juan, “ne egkeg̵iyen ku keniyu he iyan sikandin sikan is Anak te Megbevayà.”

Ruma 8:3

Wazà tavang he egkekuwà ta pinaag̵i te kedtumana ta te kesug̵uan geina te wazè ta mehimu te edtuman, iyan, is Megbevayà mulà, ne iyan neketavang kenita. Su midsug̵ù din sikan is Anak din he si Jesus he nehimu he etew. Ne si Jesus, duen lawa zin he iring te lawa ta su wey zin meseg̵azi ziyà te lawa zin is silut te Megbevayà tenged te menge salè tew. Ne pinaag̵i te kedsiluti zin ki Jesus, in-awè din is gehem te mezaat he kebayè ta.

Gelasya 4:4

Ne hein netuman en is hustu he timpu he netagnà dengan, is Megbevayà, midsug̵ù din dini te kelibutan is Anak din. Ne heini is Anak din, nehimu he etew pinaag̵i te ked-enaka kandin te vahi. Ne pinaag̵i kayi nehimu zaan sikandin he nezizalem te kesug̵uan he imbilinbilin ni Moises,