Lucas 2:51 - Manobo Western Bukidnon

⁵¹ Miduma kandan si Jesus te ed-ulì diyà te Neserit su mepezumdumahan sikandin te g̵inikanan din. Ne wazà melipati te iney zin haazà is langun he neulaula, kekenà, netipig̵an diyà te isip din.

Lucas 2:51 Кръстосани препратки

Mateo 12:46

Ne te kemulu pa ebpekidlalag si Jesus dutun te menge etew, nekeuma is iney zin wey menge hazi zin he maama. Ne edtag̵ad dan ki Jesus diyà te g̵awas su zuen egkeg̵iyen dan kandin.

Mateo 3:15

Ne midtavak si Jesus, ke sikandin te, “Kenà, su kinahanglan he ebeelan ta is iring kayi wey ta meveeli is langun he egkesuatan te Megbevayà.” Ne zutun human mebpezumazuma si Juan, ne mibewtismuwan din si Jesus.

Marcos 1:9

Ne zutun te timpu te kebpemewtismu ni Juan, nekeuma ziyà te ki Juan si Jesus is ebpuun diyà te inged he Neserit he ziyà te prubinsya he Geliliya. Ne mibewtismuwan sikandin ni Juan diyà te wahig he Hurdan.

Lucas 18:37

Ne zuen migkag̵i ziyà te kandin te, “Iyan si Jesus he tigNeserit is edsag̵ad.”

Lucas 2:19

Ne si Maria, wazè din melipati heini is langun he nezineg din, kekenà, mibpurungan din is-isipa.

Lucas 2:39

Ne hein nepasad ni Jose wey ni Maria haazà is kedtumana zan te langun he insug̵ù diyà te kesug̵uan he imbeg̵ey te Nengazen, mid-ulì dan diyà te ed-ubpaan dan diyà te inged he Neserit diyà te prubinsya he Geliliya.

Lucas 4:16

Ne zutun midhendiyà si Jesus te Neserit, sikan is inged he zutun en sikandin medekelà. Ne zutun te andew he Sebadu he iyan Andew te Kedhimeley midseled si Jesus te simbahan su iyan betasan din. Ne midhitindeg su ebesahan din is insurat he Lalag te Megbevayà.

Lucas 4:23

Ne migkag̵i si Jesus te, “Siguradu ebpekekag̵i kedì is duma keniyu te erubasa he edhenduen te, ‘Sikew is mememawì, hunai nu vewii is kenikew he lawa, he ke và dà egkeg̵iya, emun tutuu ka he ebpeneuven te Megbevayà ne ipeehè nu is gehem nu zini te inged nu. Su nezineg dey is egkengein-inuwan he mibeelan nu ziyà te inged he Kepirnaum, ne beeli nu zaan kayi te keugelingen nu he inged.’

Ipisu 5:21

Mebpetetehuzè kew te kada sevaha tenged te kedtahud niw ki Kristu.

1 Pedro 2:21

Nekeantus si Kristu te merasey wey ki melibri te silut. Ne nehimu sikandin he petug-iringan he kinahanglan he edsunuzen ta. Umba mibpetuu kenitew is Megbevayà su wey tew si Kristu meiringi.