Lucas 2:4 - Manobo Western Bukidnon

⁴ Umba, si Jose is dutun ed-ubpà te inged he Neserit he ziyà te prubinsya he Geliliya, kinahanglan he edhendiyà te prubinsya he Hudiya, diyà te inged he Bitlihim he iyan inged he mid-enakan ki Hadì David dengan; su si Jose, kevuwazan sikandin ni Hadì David.

Lucas 2:4 Кръстосани препратки

Mateo 1:20

Ne zutun te kemulu zin pa ed-isipa is iring kayi, mibpeteg̵einep kandin is belinsug̵uen te Nengazen. Ne ke sikandin te, “Sikew Jose, is kevuwazan ni Hadì David, kenè ka melenew he ebpengesawa ki Maria su meg̵ingey sikandin pinaag̵i te g̵ehem te Wag̵as he Mulin-ulin.

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Lucas 2:3

Ne zutun te kedsinsus, ne kinahanglan he ziyà edsinsusa is kada etew te inged te menge kepuun din.

Lucas 2:5

Ne miduma ni Jose si Maria, sikan is bahi he nekeg̵unan din su ebpesinsus dan. Meg̵ingey zutun si Maria.

Lucas 4:16

Ne zutun midhendiyà si Jesus te Neserit, sikan is inged he zutun en sikandin medekelà. Ne zutun te andew he Sebadu he iyan Andew te Kedhimeley midseled si Jesus te simbahan su iyan betasan din. Ne midhitindeg su ebesahan din is insurat he Lalag te Megbevayà.

Juan 1:46

Ne zutun migkag̵i si Natanael te, “Duen be etew he zuen din pulus he tigNeserit?” Ne ke si Felipe te, “Edhendiyè ki wey nu maahà.”

Juan 7:42

Su,” ke sikandin, “impesavut te insurat he Lalag te Megbevayà he is hadì he mibpilì te Megbevayà, ne kevuwazan te hadì dengan he si David, ne ziyè kun id-anak te inged he Bitlihim he inged daan dengan ni Hadì David.”