Lucas 2:21 - Manobo Western Bukidnon

²¹ Ne is menge g̵inikanan dutun te vatà, hein nekewalu en is ked-enaka kandin ne midsirkunsidar zan sikandin sumalà is betasan dan. Ne migngezanan dan sikandin ki Jesus he iyan sikan is inngazan kandin duen te velinsug̵uen te wazè pa sikandin ikeg̵ingey.

Lucas 2:21 Кръстосани препратки

Mateo 1:21

Maama is id-anak din ne ngezani nu ki Jesus, he ke và dà egkeg̵iya, Menluluwas, su iyan sikandin edlibri te menge etew he edsunud kandin wey kenè en sikandan siluti tenged te menge salè dan.”

Mateo 1:25

Iyan, wazè din si Maria uvayi taman te wazè pa mekeanak. Ne hein in-anak en haazà is batà, migngezanan ni Jose ki Jesus.

Mateo 3:15

Ne midtavak si Jesus, ke sikandin te, “Kenà, su kinahanglan he ebeelan ta is iring kayi wey ta meveeli is langun he egkesuatan te Megbevayà.” Ne zutun human mebpezumazuma si Juan, ne mibewtismuwan din si Jesus.

Lucas 1:31

Ebmeg̵ingey ka ne ebpekeanak ka te maama ne ngezani nu sikandin ki Jesus.

Lucas 1:59

Ne hein walu en he andew is ked-enaka zutun te vatà midtuman dan is betasan dan te menge Hudiyu su emun maama is id-anak, ne zutun te ikewalu he andew edsirkunsidaren dan. Ne is menge etew zutun, egngezanan dan pezem haazà is batà ki Zacarias su iyan ngazan dutun te amey zin.

Pilipus 2:8

Ne zutun te etew en sikandin wazà sikandin mebpelavew, kekenà, mibpezumazuma sikandin te menge sug̵ù kandin te Amey zin he Megbevayà minsan pa te pinaag̵i kayi inransang sikandin te krus ne zutun mibpatey.