Lucas 2:11 - Manobo Western Bukidnon

¹¹ Su kayi te kezukileman in-anak diyà te Bitlihim he iyan inged ni Hadì David dengan, is Nengazen he iyan kes mibpilì te Megbevayà he ibpahadì. Iyan sikandin edlibri keniyu te silut te Megbevayà.

Lucas 2:11 Кръстосани препратки

Mateo 1:16

Ne si Hakub, iyan amey ni Jose he iyan esawa ni Maria. Ne si Maria, iyan iney ni Jesus he migeraran he Misiyas, he ke và dà egkeg̵iya, kes mibpilì te Megbevayà he ibpahadì.

Mateo 1:21

Maama is id-anak din ne ngezani nu ki Jesus, he ke và dà egkeg̵iya, Menluluwas, su iyan sikandin edlibri te menge etew he edsunud kandin wey kenè en sikandan siluti tenged te menge salè dan.”

Mateo 16:16

Ne zutun midtavak si Simon Pedro te, “Iyan ka sikan is mibpilì te Megbevayà he ibpahadì din te menusiyà; iyan ka sikan is Anak te wazè din kemetayen he Megbevayà.”

Mateo 16:20

Ne zutun mibpeketelteleenan ni Jesus is menge sumusundan din he kenè dan tudtula ziyà te minsan hentei he iyan sikandin sikan is mibpilì te Megbevayà he ibpahadì.

Lucas 1:43

Maan buwa is utew a ingkeg̵ag̵ew te Megbevayà su maan is ebpenumbelayan a kenikew te iney te mibpilì he hadì?

Lucas 1:69

Edsug̵uen din dini te kenitew is Menluluwas he kevuwazan duen te sulug̵uen te Nengazen dengan he si Hadì David.

Lucas 2:26

Ne impesavut kandin he zaan te Wag̵as he Mulin-ulin he kenà tekew en ebpatey taman te kenè din pa egkeahà is impenaad he etew he nepilì te Nengazen he ibpahadì din te menusiyà.

Lucas 2:4

Umba, si Jose is dutun ed-ubpà te inged he Neserit he ziyà te prubinsya he Geliliya, kinahanglan he edhendiyà te prubinsya he Hudiya, diyà te inged he Bitlihim he iyan inged he mid-enakan ki Hadì David dengan; su si Jose, kevuwazan sikandin ni Hadì David.

Juan 1:41

Ne si Andres, segugunè din mibpen-ahà is suled din he si Simon. “Neehè dey sikan is Misiyas,” ke sikandin. (Ne iyan kehulug̵an kayi te ngazan he Misiyas is Kristu, he ke và dà egkeg̵iya, mibpilì te Megbevayà he ibpahadì.)

Juan 1:45

Ne si Felipe, mibeyaan din si Natanael, ne ke sikandin te, “Neehè dey en kes etew he netagnà dengan te ebpemeneuven wey netagnà ni Moises dutun te insurat din diyà te libru he kesug̵uan. TigNeserit sikandin he si Jesus he anak ni Jose.”

Juan 11:27

Ne midtavak si Marta te, “Uya, edtuu a he iyan ka sikan is Anak te Megbevayà; iyan ka kes netagnà he hadì he ebperetengen dey he edhendini te kelibutan.”

Juan 20:31

Ne iyan insurata ku kayi te menge egkein-inuwan su wey kew meketuu he iyan si Jesus Anak te Megbevayà wey sikan is mibpilì te Megbevayà he ibpahadì, ne emun edtuu kew kandin ebeg̵ayan kew te untung he wazà pidtemanan.)

Juan 4:25

Ne zutun migkag̵i haazà is bahi te, “Netuenan ku he ebpekeuma keuzemà is mibpilì te Megbevayà wey mekehadì, sikan is migeraran ki Kristu. Ne emun ebpekeuma en, ibpesavut din kenitew is langun.”

Juan 4:42

ne migkeg̵iyan dan sikan is bahi te, “Nemeketuu key, kenà tenged dà te migkag̵i nu, kekenà, tenged daan te nezineg dey is menge lalag din, ne netuenan dey en he tutuu iyan he iyan sikandin sikan is Menluluwas te menusiyà.”

Juan 6:69

Edtuu key kenikew su netuenan dey he iyan ka sikan is mibpilì te Megbevayà he ibpahadì.”

Juan 7:41

Ne migkag̵i is duma pa kandan dutun te, “Iyan en iyan heini sikandin sikan is hadì he mibpilì te Megbevayà.” Iyan, migkag̵i is duma pa te, “Kenà, su kenà egkehimu he ziyà ebpuun is hadì te prubinsya he Geliliya!

Nengeulaula 10:36

Netuenan niw en is Meupiya he Tudtulanen he impesavut te Megbevayà kenami te menge kevuwazan ni Israyil su pinaag̵i ki Jesu Kristu he iyan Nengazen te langun he menge etew, impesavut din he egkeawà is pauk te Megbevayà kenitew.

Nengeulaula 13:23

Na,” ke si Pablo, “si Jesus, is sevaha he kevuwazan ni Hadì David, iyan impenaad te Megbevayà he edlibri kenitew te kevuwazan ni Israyil wey kiw kenà mesiluti.

Nengeulaula 2:36

Na,” ke si Pedro, “kinahanglan he edsevuten tew te langun he menge kevuwazan ni Israyil he si Jesus, sikan is inransang niw te krus, midhimu en te Megbevayà he Nengazen wey hadì tew te langun.”

Nengeulaula 5:31

Ne midtulus din en ne ziyè en sikandin te zapit te egkekewanan te Megbevayà. Sikitew is menge kevuwazan ni Israyil, egalen tew sikandin wey iyan kenitew edlibri te silut. Ne ebpeiniyug̵an din kenitew is mezaat he ulaula ne ebpeseyluwen kiw zin.

1 Kurintu 15:47

Ne haazà is nehuna he etew he si Adan, linimbag sikandin ne is limbag̵an din ne iyan is tanà, iyan, haazà is etew he ed-ilis kandin he iyan si Kristu, ne ebpuun sikandin mulà diyà te langit.

Pilipus 2:11

ne ebpekekag̵i zan he iyan si Jesu Kristu Nengazen te minsan hengkey. Ne pinaag̵i kayi egkevantug dan daan is Amey tew he Megbevayà.

Pilipus 3:8

Ne kenà dutun dà taman is mid-engkezan ku, kekenà, mid-eminan ku engkezi is minsan hengkey he zekelà dini te g̵ehinawa ku su wey ku mekuwa is utew pa lavew he mahal he iyan is kebpekidsevaha ku ki Jesu Kristu te Nengazen ku. Tenged kandin mid-engkezan ku is langun ne mid-isip ku heini he abper zà dini te kelibutan wey a mekepekidsevaha ki Kristu,

Kulusas 2:6

Ne g̵eina te midawat niw si Jesu Kristu he Nengazen niw kinahanglan he is menge ulaula niw, ne zait te upakat niw kandin.

1 Juan 4:14

Sikami is menge epustul, netuenan dey he impehendini te Megbevayà is Anak din su wey melibri is menusiyà te silut. Umba netuenan dey su neehè dey sikandin ne edtudtulen dey is neehè dey.

1 Juan 5:1

Anak en te Megbevayà is minsan hentei he edtuu he iyan si Jesus mibpilì te Megbevayà he ibpahadì. Ne emun ebmahalen din diyà te g̵ehinawa zin is Amey tew he Megbevayà ebmahalen din daan is menge zuma zin he anak te Megbevayà.