Lucas 19:7 - Manobo Western Bukidnon

⁷ Ne hein nezineg haazà te menge etew is lalag ni Jesus diyà te ki Sekiyu ne wazè dan mesuati ne pesikag̵i sikandan te, “Maan is ebpemenahik si Jesus diyà te valey te etew he utew mesinupaken te Megbevayà?”

Lucas 19:7 Кръстосани препратки

Mateo 20:11

Umba hein edewaten dan en haazà is suhul kandan, ne neepes dan ne migkeg̵iyan dan haazà is etew he mibpeterebahu kandan te,

Mateo 20:4

Ne migkeg̵iyan din haazà is menge etew te, ‘Terebahu kew ziyà te perasan ku ne edsuhulan ku sikiyu te hustu.’

Mateo 9:11

Duen menge Perisiyu he nekeahà dutun te menge etew. Ne migkeg̵iyan dan is menge sumusundan ni Jesus te, “Is egalen niw, maan is egkaan wey ed-inum duma te menge limbungan he menunukut te vuhis wey menge mesinupaken?”

Lucas 15:2

Ne utew heini ingkeepes te menge Perisiyu wey menge menunudlù te kesug̵uan he zutun daan, ne ke sikandan te, “Heini si Jesus, ne ebpemekiduma kayi te menge etew he utew mesinupaken te kesug̵uan tew ne egkaan daan sikandin duma kandan.”

Lucas 19:6

Ne zutun ne migaanggaan mebpenaug si Sekiyu ne midlimùlimù ki Jesus he utew egkelipey.

Lucas 19:8

Ne si Sekiyu, hein nekeuma zan engki Jesus diyà te valey zin ne midhitindeg sikandin is egkag̵i te, “Ibeg̵ey ku is ketengà kayi te ketig̵eyunan ku ziyà te menge ayuayu. Ne minsan hentei he etew he nelimbungan ku zengan, ne id-ulì ku ziyà te kandin is keheepat egketakep haazà is nekuwa ku.”

Lucas 5:30

Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Lucas 7:34

Ne siak is Kakey te Menusiyà, wazà a medsalang megkaan ne mid-inum a mulà te vinu ne nengeinuinu kew ne migkag̵i niw he vuleg̵uk a wey pereinum te vinu. Ne ke sikiyu te emig̵u a te menge lalung he etew iring te menunukut te vuhis wey menge mesinupaken.

Lucas 7:39

Ne naahà heini zutun te Perisiyu he mid-umbita ki Jesus, ne neisip din is, “Angin ke tutuu he ebpeneuven heini te Megbevayà ne kenà ebpekeeles kandin is meremerik he ulaula kayi te vahi ne wazè din pezem itug̵ut he meg̵ewezi is lawa zin kayi te vahi.”