Lucas 19:38 - Manobo Western Bukidnon

³⁸ Ke sikandan is edalig te, “Delig̵a is hadì he ebpekeuma he midsug̵ù te Nengazen! Melinew en is kedepitè tew te Megbevayà! Delig̵a is Megbevayà diyà te langit!”

Lucas 19:38 Кръстосани препратки

Mateo 2:2

Ne in-insè dan ke, “Hendei ianak kes midtagnà he vatà he ebpekehadì te menge etew he Hudiyu? Neehè dey is kedlepew te vituen he iyan tuus te ked-enaka kandin ne tenged kayi midhendini key su ed-ezapen dey sikandin.”

Mateo 21:9

Ne mezakel he menge etew is midhuna ki Jesus, ne mezakel zaan is ebpemeninundug kandin, ne ke sikandan is ebpemengulahì te, “Edtehuzen tew is kevuwazan ni Hadì David. Delig̵a is nekeuma he midsug̵ù te Nengazen. Sikiyu is diyà te langit, tehuza niw zaan sikandin!”

Mateo 25:34

Ne zutun, siak is hadì, ekeg̵iyan ku is menge etew ziyà te zapit te egkekewanan ku te, ‘Sikiyu is midtuvazan te Amey ku he Megbevayà, kayi kew su iyan kew edhedian ku. Su is kedhadì ku keniyu, integ̵ana en dengan puun pa te kedlimbag̵a te kelibutan.

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Lucas 13:35

Ne g̵untaan, utew mekevulungbulung heini is simbahan niw su mid-iniyug̵an kew en te Megbevayà. Su egkeg̵iyen ku he kenà ad maan keniyu egkeahà taman dutun te timpu keuzemà he ebpekekag̵i kew te, ‘Delig̵a is nekeuma he midsug̵ù te Nengazen.’ ”

Ruma 5:1

Guntaan, tenged te midtuu ki en ki Jesus, mid-isip ki en te Megbevayà he metazeng he iring te wazè ki keenu mekesalà, ne tenged kayi pinaag̵i te mid-ulaula te Nengazen tew he si Jesu Kristu melinew en is kedepitè tew te Megbevayà.

Ipisu 1:6

Edelig̵en tew is Megbevayà tenged te utew zekelà he mekeg̵eg̵ehem he g̵ag̵ew zin he intuvad din kenitew pinaag̵i te kebpekidsevaha tew te mahal he Anak din he si Jesus.

Ipisu 3:10

Umba wazà heini zengan ipezayag su wey g̵untaan pinaag̵i zà te menge tumutuu ki Jesus, ibpaahà te Megbevayà diyà te menge kedesenan wey menge egalen diyà te langit ke hengkey kezekelà is ketau zin he wazè med-iring-iring.

Ipisu 3:21

Berakat he zelig̵a sikandin pinaag̵i kenitew te langun he menge tumutuu zin wey pinaag̵i ki Jesu Kristu g̵untaan he timpu wey te wazè din pidtemanan.

Kulusas 1:20

Ne egkesuatan din daan he pinaag̵i te Anak din meked-uliey te meupiya he kedepità sikandin wey is minsan hentei zini te tanà wey ziyà te langit. Ne pinaag̵i te kedtig̵is duen te lengesa te Anak din diyà te krus egkehimu he menge emig̵u zin is minsan hentei.

1 Timoteo 1:17

Kes sebsevaha zà he Megbevayà, kenà egkeahà. Iyan sikandin hadì te minsan hengkey ne wazè din kemetayen; berakat he tehuza wey zelig̵a sikandin te wazè din pidtemanan.

1 Pedro 1:12

Impezayag kandan te Megbevayà he kenà kandan he ibmeupiya haazà is netagnè dan dutun, kekenà, kenitew g̵untaan. Ne g̵untaan impesavut en keniyu is tutuu mehitenged dutun te netagnè dan. Duen menge etew he midsug̵ù te Megbevayà su wey zan metudtul keniyu is Meupiya he Tudtulanen. Mid-ulinan sikandan te Wag̵as he Mulin-ulin he midsug̵ù te Megbevayà. Ne heini is impesavut dan keniyu, minsan is menge velinsug̵uen te Megbevayà ziyà te langit, egkesuatan dan he mesavut dan heini.