Lucas 19:27 - Manobo Western Bukidnon

²⁷ Ne mid-uman megkag̵i haazà is hadì te, ‘Ne sikan is menge etew he kenè dan egkesuat he iyan a mekehadì kandan, ne uwita niw zini ne penhimetayi niw sikandan dini te etuvangan ku.’ ”

Lucas 19:27 Кръстосани препратки

Mateo 22:7

Ne zutun utew nepauk haazà is hadì. Midsug̵ù din is menge sundaru zin ne sikan is nemumunù, mibpenhimetayan te menge sundaru ne mibinsulan dan is inged dutun te mibpenhimetayan dan.

Lucas 19:14

Iyan, is menge meg̵inged dutun te inged te prinsipi, ne ingkeepes dan sikandin, ne hein migenat en, duen midsug̵ù dan he ibpetelukun kandin wey zan ikepesayud is lavew he hadì dutun te ebeyaan te prinsipi he kenè dan igkesuat he iyan mekehadì kandan haazà is prinsipi.

Lucas 20:16

Iyan is: ebeyaan din haazà is menge etew ne ebpenhimetayan din, ne ebpeelimahan din haazà is perasan din te selakew en maan he menge etew.” Ne hein nezineg dutun te menge etew he ebpemineg ki Jesus ne utew zan neseeng ne ke sikandan te, “Kenà heeyan ed-ul-ulahan te Megbevayà!”

Lucas 21:22

Su iyan en haazà sikan is timpu he netagnà dengan he zutun edsilutan te Megbevayà is menge kuntada zin he etew. Ne insurat heini zuen te ebpemeneuven dengan te Megbevayà.

Lucas 21:24

Su heini is menge Hudiyu, is duma kandan, ne egkepatey zutun te g̵ira, ne is samà, ne edekepen ne ed-uwiten diyà te menge meziyù he inged. Ne zutun, heini is Hiruselim he inged te menge Hudiyu, ne edtekutakan te menge etew he kenà menge Hudiyu taman te ebpengelinteuwan te Megbevayà he mekeengked dan.

Hibriyuhanen 10:13

Ne kemulu pa sikandin dutun guntaan su edteg̵azan din is timpu keuzemà he zutun egkevakus te Megbevayà is langun he menge kuntada zin wey sikandin mekehadì.