Lucas 19:26 - Manobo Western Bukidnon

²⁶ Ne midtavak haazà is hadì te, ‘Benar is egkeg̵iyen ku keniyu he sikan is egkeserig̵an te insarig kandin, ed-umanan pa. Iyan, sikan is kenà egkeserig̵an, edhewien pa ziyà te kandin minsan is deisek he insarig kandin.’

Lucas 19:26 Кръстосани препратки

Mateo 13:12

Su is etew he neketuu wey zuen kedsavut din, ed-umanan pa te Megbevayà te kedsavut su wey mehustu is kedsavut din. Iyan, sikan is kenà edtuu, id-awà te Megbevayà diyà te kandin sikan is deisey he nesavut din.

Mateo 21:43

Umba,” ke si Jesus, “benar iyan he kenè kew en maan is menge Hudiyu edhedian te Megbevayà su iyan din edhedian is menge etew he edtuman te egkesuatan din.

Marcos 4:25

Su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin is deisek he nesavut din en.”

Lucas 16:3

Ne neisip dutun te sulug̵uen is, ‘Id-awè e ves kayi te terebahu ku. Hengkey is meupiya he ed-ul-ulahan ku? Su siak, ne kenè e en ebpekehimu he edterebahu te meveg̵at iring te kegkalut ne egkeeled a he ebpemumuyù te limus.

Lucas 19:25

Ne migkag̵i zan te, ‘Duen en kandin su kesepulù metakep sikan is uswag te impetipig̵an nu kandin.’

Lucas 8:18

Umba, purungi niw te ebpemineg is ibpenurù ku su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin haazà is kunaan din ke nesavut din en.”

Nengeulaula 1:20

Ne ke si Pedro te, “Insurat dengan kes netagnà diyà te libru te menge Salmu he edhenduen te, ‘Ewai niw is ed-ubpaan din; kinahanglan he wazè en ed-ubpà dutun.’ Duen daan insurat he lalag he edhenduen te, ‘Sikan is ebpeveelan kandin, ipeveeli niw te zuma.’

2 Juan 1:8

Andam kew wey kenà maawà diyan te keniyu is midheg̵uan niw su wey kenà meterini keuzemà is suhul te Megbevayà keniyu.

Impezayag 2:3

Netuenan ku he ed-antus kew te mereg̵en tenged te kedtuu niw kediey ne minsan pa zutun kenè niw ed-isipen he ed-engkezan niw is kedtumana niw te menge sug̵ù ku.

Impezayag 3:11

Meg̵aan e en ebpekeuma. Hemeni niw is tutuu he tuluuwen he netuenan niw su wey kenà igkeveg̵ey ziyà te zuma is suhul he ibeg̵ey keniyu ke ebpekezaag kew ki Setanas.