Lucas 18:9 - Manobo Western Bukidnon

⁹ Ne sengeandew maan dutun ne impezineg ni Jesus is sempità. Ne heini is sempità, ne iyan egkesug̵at is menge etew he kunaan dan ke iyan dan dà memeupiya is ulaula ne edsudien dan is langun he menge zuma he etew.

Lucas 18:9 Кръстосани препратки

Lucas 10:29

Iyan, haazà is menunudlù te kesug̵uan, egkesuatan din pezem he meisip ni Jesus he hustu is menge ulaula zin, umba migkag̵i sikandin te, “Hentei is nekag̵i he zuma ku?”

Lucas 15:2

Ne utew heini ingkeepes te menge Perisiyu wey menge menunudlù te kesug̵uan he zutun daan, ne ke sikandan te, “Heini si Jesus, ne ebpemekiduma kayi te menge etew he utew mesinupaken te kesug̵uan tew ne egkaan daan sikandin duma kandan.”

Lucas 16:15

Ne zutun migkag̵i si Jesus diyà te kandan te, “Iyan kew sikan is henduen be te meupiya is ulaula ke ziyà te etuvangan te menge etew, iyan, wazà mekeeles te Megbevayà ke hengkey is diyà te isip niw. Is ed-isipen te etew he utew mahal, ne wazè din bali ziyà te Megbevayà.

Lucas 18:11

Ne midhitindeg haazà is Perisiyu ne mid-ampù pinaag̵i te g̵ehinawa zin, ke sikandin te, ‘Megbevayà, ebpeselamat a kenikew su kenà a iring te zuma. Kenà a leg̵ezen; kenà a ebpenlimbung; kenè ku edselselaan is esawa ku. Ebpeselamat a zaan kenikew su kenà a iring keniyà te limbungan he menunukut te vuhis.

Lucas 19:7

Ne hein nezineg haazà te menge etew is lalag ni Jesus diyà te ki Sekiyu ne wazè dan mesuati ne pesikag̵i sikandan te, “Maan is ebpemenahik si Jesus diyà te valey te etew he utew mesinupaken te Megbevayà?”

Lucas 7:39

Ne naahà heini zutun te Perisiyu he mid-umbita ki Jesus, ne neisip din is, “Angin ke tutuu he ebpeneuven heini te Megbevayà ne kenà ebpekeeles kandin is meremerik he ulaula kayi te vahi ne wazè din pezem itug̵ut he meg̵ewezi is lawa zin kayi te vahi.”

Juan 8:48

Ne zutun midtavak ki Jesus is menge punuan he menge Hudiyu, ke sikandan te, “Tutuu ves iyan he tigSemarya ka he memeremerik is betasan! Kela ke midsuukan ka te mezaat he mulin-ulin!”

Juan 9:28

Ne nepauk dan dutun ne mezaat is menge lalag dan kandin, ke sikandan te, “Iyan ka sumusundan din; sikami mulà, sumusundan key te ebpeneuven dengan he si Moises!

Juan 9:34

Ne midtavak dutun is menge punuan te, “Ebpenurù ke ve kenami he mesinupaken ke man utew puun pa te ked-enaka kenikew!” Ne zutun migkeg̵iyan dan sikandin he kenè dan en maan ebmehimuwen he ebpekeseled sikandin diyà te menge simbahan dan te menge Hudiyu.

Nengeulaula 22:21

Ne migkag̵i en maan is Nengazen te, ‘Genat ke en su edsug̵uen ku sikew ziyà te meziyù wey nu ikepesavut is lalag ku ziyà te kenà menge Hudiyu.’ ”

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

Ruma 14:10

Ne g̵eina te iyan heini, kenà meupiya ke iyan ki edsawey te menge ulaula te menge suled ta te kedtuu wey ke egkeminusan ki kandan su keuzemà sikitew is langun, ebpekeetuvang te Megbevayà ne iyan sikandin edsusi kenitew te langun.

Ruma 14:3

Ne is etew he egkeenen din is minsan hengkey, kinahanglan he kenè din isipa he lavew sikandin te etew he menge lumbey zà is idsezè din. Ne iring din ded daan su is etew he menge lumbey zà is idsezè din, ne kinahanglan he kenè din isipa he lavew sikandin te etew he egkaan te minsan hengkey, su midawat sikandan pudu te Megbevayà.

Ruma 7:9

Hein aney, wazè ku metueni ke hengkey is kesug̵uan, ne zutun, henduen be te wazè ku salà. Ne hein impenurù kedì is kesug̵uan, netuenan ku he mezaat bes is menge ulaula ku. Ne tenged kayi nesavut ku he ziyè e ves ebpekezunggù te kemetayen he wazè din pidtemanan!