Lucas 18:39 - Manobo Western Bukidnon

³⁹ Ne haazà is menge etew he edhuhuna ki Jesus, ne midawey zan haazà is etew wey med-engked sikandin, iyan, nasì en ebpekezag̵ing sikandin he egkag̵i te, “He kevuwazan te hadì dengan he si David, kehizuwi a kenikew!”

Lucas 18:39 Кръстосани препратки

Mateo 7:7

Penigudu kew vuyù diyà te Megbevayà ne ebeg̵ayan kew zin; penigudu kew pen-ahà ne ibpeturedu zin keniyu is ebpen-ahaan niw. Penigudu kew penelehuzan ne ebpuwasan kew zin.

Mateo 8:26

Ne migkag̵i si Jesus, “Maan is egkehandek kew? Maan is kenè kew ebpekesarig kediey?” Ne mid-enew si Jesus ne migkeg̵iyan din haazà is keramag wey haazà is menge vag̵el he med-engked dan. Ne zutun mibmelinew utew.

Mateo 9:27

Ne zutun te ked-awà ni Jesus dutun, midtelukun kandin is dezuwa he lakap. Ne haazà is menge lakap, mid-umew zan ki Jesus is edhangyù te, “Kehizuwi key kenikew, su iyan ka kes kevuwazan te hadì dengan he si David!”

Lucas 11:52

Mekehizuhizu kew keuzemà sikiyu is menge menunudlù te kesug̵uan su ed-elangan niw is menge etew wey zan kenà metueni is hustu he ibpevayà pehendiyà te Megbevayà. Kenè kew egkesuat he ed-ikul te hustu he ibayà, iyan, ed-eg̵enen niw is etew he egkesuat he ed-ikul zutun!”

Lucas 18:1

Ne zuen en maan sempità he impezineg ni Jesus te menge sumusundan din. Ibpesavut din kandan dutun he kinahanglan he kenè dan bungasa te layun ked-ampù ne kenà daan med-engked he edsarig te Megbevayà.

Lucas 18:15

Ne sevaha maan he andew ne zuen menge etew he mid-uwit dan is menge anak dan he zezeisey pa ziyà te ki Jesus wey zin mezepeneti te palad din wey mepenubtuvazi. Ne is menge sumusundan ni Jesus, midawey zan haazà is menge etew.

Lucas 18:38

Ne hein nezineg din haazà, ne mid-umew sikandin te, “He Jesus he kevuwazan te hadì dengan he si David, kehizuwi a kenikew!”

Lucas 18:40

Ne zutun midteren si Jesus ne migkag̵i he ipehendutun te kandin haazà is lakap. Ne hein impeetuvang dan en ki Jesus ne migkag̵i si Jesus te,

Lucas 19:39

Ne zutun te mezakel he menge etew he nengetig̵um dutun, duen menge Perisiyu. Ne migkag̵i zan diyà te ki Jesus te, “Dewaya nu heeyan is menge sumusundan nu.”

Lucas 8:49

Ne te kemulu pa si Jesus egkag̵i zutun ne zuen nekeuma he ebpuun diyà te valey ni Hayru. Ne migkag̵i diyà te ki Hayru te, “Kenè nu en bigbigata te eduma pa maan si Jesus su kenè niw en egkesepenan is gehinawa zuen te anak nu.”

2 Kurintu 12:8

Ketetelu ku en iampù diyà te Megbevayà he iawè din,