Lucas 18:37 - Manobo Western Bukidnon

³⁷ Ne zuen migkag̵i ziyà te kandin te, “Iyan si Jesus he tigNeserit is edsag̵ad.”

Lucas 18:37 Кръстосани препратки

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Lucas 18:36

Ne hein nezineg dutun te lakap is dabekdabek te mezakel he menge etew he edsag̵ad ne nekeinsà ke hengkey en haazà.

Lucas 18:38

Ne hein nezineg din haazà, ne mid-umew sikandin te, “He Jesus he kevuwazan te hadì dengan he si David, kehizuwi a kenikew!”

Lucas 2:51

Miduma kandan si Jesus te ed-ulì diyà te Neserit su mepezumdumahan sikandin te g̵inikanan din. Ne wazà melipati te iney zin haazà is langun he neulaula, kekenà, netipig̵an diyà te isip din.

Juan 1:45

Ne si Felipe, mibeyaan din si Natanael, ne ke sikandin te, “Neehè dey en kes etew he netagnà dengan te ebpemeneuven wey netagnà ni Moises dutun te insurat din diyà te libru he kesug̵uan. TigNeserit sikandin he si Jesus he anak ni Jose.”

Juan 19:19

Duen insurat ni Gubirnedur Pilatu he impezeket dan dutun te zivavew te krus. Is menge lalag he insurat, edhenduen te, “Si Jesus he TigNeserit he Hadì te Menge Hudiyu.”

Nengeulaula 2:22

Ne mid-uman megkag̵i si Pedro te, “Sikiyu is menge zuma ku he kevuwazan ni Israyil, pemineg̵a niw is egkeg̵iyen ku. Si Jesus, kes tigNeserit, sug̵ù sikandin te Megbevayà. Impesavut kenitew te Megbevayà he sug̵ù din si Jesus pinaag̵i te g̵ehem din wey menge egkein-inuwan wey menge singyal he mibpeveelan kandin te Megbevayà. Netuenan niw en heini is egkeg̵iyen ku su neulaula heini is langun dini te inged niw.

Nengeulaula 4:10

ne sikiyu wey is langun he menge zuma ku he kevuwazan ni Israyil, kinahanglan he sevuta niw heini. Su heini is etew he zini te etuvangan niw, neulian sikandin pinaag̵i te g̵ehem te ngazan ni Jesu Kristu he tigNeserit. Heini si Jesus, inransang niw te krus ne minatey, iyan, mibanhew te Megbevayà.

2 Kurintu 6:2

Su zuen insurat he Lalag te Megbevayà he edhenduen te, “Dutun te timpu he egkesuatan ku, mibpemineg a te ked-ampù nu; ne zutun te hustu he timpu te kedlibriya ku te menusiyà, midtevangan ku sikew.” Ne iyan lalag ku keniyu is: iyan en heini timpu he egkesuatan te Megbevayà te kedtavang keniyu; iyan en heini timpu te kedlibriya zin keniyu te silut.