Lucas 18:34 - Manobo Western Bukidnon

³⁴ Iyan, haazà is menge sumusundan din, ne wazè dan mekesavut dutun te egkeg̵iyen din. In-eles kandan haazà is kehulug̵an dutun ne wazè dan metueni ke hengkey haazà is ibpesavut kandan ni Jesus.

Lucas 18:34 Кръстосани препратки

Marcos 9:32

Ne haazà is migkag̵i ni Jesus, wazà mesavut dutun te menge sumusundan din, ne egkehandek dan daan he ed-insà kandin ke hengkey is ibpesavut din dutun.

Lucas 18:33

Ebug̵elen e zan, ne human e zan edhimetayi. Iyan, seled te tetelu he andew zutun ne ebenhawen a te Megbevayà,” ke si Jesus.

Lucas 2:50

Iyan, wazè dan mesavut ke hengkey is kehulug̵an dutun te migkag̵i zin.

Lucas 24:25

Ne zutun migkag̵i si Jesus diyà te kandan te, “Kurang kew pe bes te ked-isip. Maan is utew mereg̵en diyan te keniyu is kebpeketuu niw te langun he netagnà dengan te menge ebpemeneuven te Megbevayà?

Lucas 24:45

Ne zutun impesavut din human kandan is langun te impemesurat he Lalag te Megbevayà.

Lucas 9:45

Ne is menge sumusundan din, wazè dan dutun mesavut is ibpesavut ni Jesus. Wazà ipesavut te Megbevayà kandan su wey kenè dan metueni. Ne wazè dan mekeaku he ed-insà kandin ke hengkey is kehulug̵an dutun.

Juan 10:6

Sempità heini he impezineg kandan ni Jesus, iyan, wazè dan mesavut ke hengkey is ibpesavut din.

Juan 12:16

Ne haazà is kedseled ni Jesus diyà te Hiruselim, wazè pa mesavut te menge sumusundan din he kegketuman haazà te netagnà dengan, asal, hein midlikù en si Jesus diyà te langit, netenuzan dan is mibeelan din ne nesavut dan he neulaula heini sumalà is netagnà dengan diyà te insurat he Lalag te Megbevayà.