Lucas 18:32 - Manobo Western Bukidnon

³² Siak is Kakey te Menusiyà, ne ibpalad a ziyà te menge etew he kenà menge Hudiyu ne haazà he menge etew, ne edsumpeliten e zan, ed-el-elezen e zan, ne ebpengilevan e zan.

Lucas 18:32 Кръстосани препратки

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Mateo 20:19

ne ibpalad e zan daan diyà te menge etew he kenà menge Hudiyu. Ne is menge etew he kenà menge Hudiyu, ne ed-iringen e zan te velvelayen, ebug̵elen e zan, ne idransang e zan te krus su edhimetayan a. Ne seled te tetelu he andew zutun, ebenhawen a te Megbevayà.”

Mateo 22:6

Ne is duma he etew zutun, migewezan dan haazà is midsug̵ù te hadì, ne mibpemug̵el zan ne human dan himetayi.

Mateo 26:67

Ne zutun mibpengilevan dan is ulu ni Jesus; ne mibug̵el zan. Ne is duma, midtabpì kandin

Mateo 27:2

Mibakus dan si Jesus te kedina ne inhated dan sikandin diyà te ki Pilatu he iyan gubirnedur zutun.

Marcos 14:65

Ne is menge zuma zutun, mid-ilevan dan si Jesus, ne mibedbed dan is mata zin ne midsumbag dan te egkag̵i te, “Tegnaa nu ke hentei is midsumbag kenikew!” Ne migewezan sikandin te menge sundaru zutun ne mibpenabpì dan sikandin.

Marcos 15:1

Ne kegkepawè dà dutun, is menge punuan te menge memumuhat wey is menge menunudlù te kesug̵uan wey is menge ebmeg̵urangen te menge Hudiyu, wey is langun he menge menhuhusey, neuyun dan ke hengkey is ed-ul-ulahan dan ki Jesus, ne zutun mibakus dan sikandin ne inhated dan diyà te gubirnedur he Rumanu he si Pilatu.

Lucas 18:33

Ebug̵elen e zan, ne human e zan edhimetayi. Iyan, seled te tetelu he andew zutun ne ebenhawen a te Megbevayà,” ke si Jesus.

Lucas 23:1

Ne zutun, haazà is langun he menge punuan he nengetig̵um dutun, ne mid-uwit dan si Jesus diyà te ki Gubirnedur Pilatu su wey zin mehukumi.

Lucas 23:11

Ne zutun si Hirudis wey is menge sundaru zin, ne mibaleyvaley zan si Jesus ne mid-eled-eled dan sikandin. Ne midsun-uzan dan te meupiya he bisti su uvag kun hadì, ne zutun impelikù dan diyà te ki Pilatu.

Lucas 23:35

Ne is menge etew, ne ebpemenhitindeg dan dutun he ebantey; ne is menge punuan te menge Hudiyu, ne ed-undaunda kandin, ke sikandan te, “Wey zè be! Nelibri zin is duma; ne emun tutuu he iyan sikandin sikan is hadì he mibpilì te Megbevayà, ed-ahaan ta ke egkelibri zin is keugelingen din.”

Juan 18:22

Ne te nekag̵i ni Jesus haazà, midsumbag sikandin te sevaha he pulis he edhithitindeg dutun te uvey zin ne migkag̵i haazà is pulis te, “Maan is nekeg̵ehem ka he edtavak te iring keniyan diyà te lavew he memumuhat?”

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Juan 18:30

Ne midtavak is menge punuan te, “Emun kenà selaan heini, kenè dey pezem id-etuvang kenikew.”

Juan 18:32

(Umba neulaula heini su egketuman is midtagnà ni Jesus he edhimetayan sikandin pinaag̵i te kedrensanga te krus.)

Juan 18:35

Ne midtavak si Pilatu te, “Hudiyu e ve! Is menge zuma nu he Hudiyu wey is menge punuan he memumuhat, iyan mid-uwit kenikew zini. Hengkey is salè nu?”

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Nengeulaula 3:13

Is Megbevayà he ed-ezapen te menge kepuun tew he si Abraham, si Isaak, wey si Hakub, midtulus din is sulug̵uen din he si Jesus. Ne te wazè pa sikandin tulusa, impalad niw ziyà te menge punuan ne midsumpalit niw ziyà te etuvangan ni Gubirnedur Pilatu. Ne si Pilatu, edlibriyen din pezem si Jesus,