Lucas 18:22 - Manobo Western Bukidnon

²² Ne hein nezineg ni Jesus haazà, migkeg̵iyan din te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Lucas 18:22 Кръстосани препратки

Mateo 19:21

Ne migkag̵i si Jesus te, “Emun edheg̵eten nu pa, ulì ka ne ivelegyè nu is langun he menge azen nu, ne is halin, ibpemeg̵ey nu ziyà te menge egkengeayuayu, ne edsepian ka ziyà te langit. Ne ke egkeipus nu heeyan likù ka zini wey ka mekesundan kediey.”

Lucas 10:42

Sevaha zà is dekelà is pulus din he iyan mibpilì ni Maria ne kenà heini igkeawà diyà te kandin.”

Lucas 12:33

Ivelegyè niw is langun he azen niw ne ipemeg̵ey niw is halin diyà te menge egkengeayuayu. Pinaag̵i kayi egkehimu he zuen ketig̵eyunan niw ziyà te langit. Is menge azen niw ziyà te langit, ne kenà egkezeetan ne kenà egketerinan su wazà ebpenakew ne wazà ipes he ebpekeketket.

Lucas 16:9

Umba,” ke si Jesus, “egkeg̵iyen ku keniyu he g̵emita niw is ketig̵eyunan niw zini te kelibutan wey metevangi is egkengeayuayu ne emun egkeuma haazà is timpu keuzemà he kenè niw en egkeg̵amit is menge azen niw, edsuhulan kew te Megbevayà diyà te langit.

Lucas 18:21

Ne midtavak haazà is maama ziyà te ki Jesus, ke sikandin te, “Menunudlù, is langun keniyan, mibenteyanan ku ne wazè ku nesupak puun pa te vatè e pa.”

Lucas 18:23

Ne hein nezineg dutun te etew is sambag ni Jesus ne utew mibmesakit is gehinawa zin su zekelà is ketig̵eyunan din.

Lucas 9:23

Ne mid-uman si Jesus megkag̵i diyà te kandan te langun, ke sikandin te, “Ke zuen egkesuat he edsundan kedì ne kinahanglan he iawè din diyà te isip din is kandin he paag̵i ne tianga zin te kada andew is krus din, he ke và dà egkeg̵iya, kinahanglan he edtumanen din is menge sug̵ù ku minsan pa ke iyan ibpatey zin. Ne human ebpekesunud kedì.

Pilipus 3:13

Netuenan ku, menge suled, he wazè pa heini metuman dini te kedì, iyan, mid-awè ku ziyà te isip ku is nengehuna he nengetuman ku en, ne edhimuwen ku is taman te egkehimu ku wey ku mekuwa is langun he egkesuatan te Megbevayà he mekuwa ku keuzemà.

2 Pedro 3:8

Minahal ku he menge suled, tentenuzi niw he ziyà te Megbevayà, neked-iring is sengeandew zà wey is nengkelibu he tuig su ziyà te kandin meg̵aan dà utew haazà is dezuwa.