Lucas 18:21 - Manobo Western Bukidnon

²¹ Ne midtavak haazà is maama ziyà te ki Jesus, ke sikandin te, “Menunudlù, is langun keniyan, mibenteyanan ku ne wazè ku nesupak puun pa te vatè e pa.”

Lucas 18:21 Кръстосани препратки

Lucas 15:29

Ne midtavak haazà is anak din te, ‘Tenuzi nu, Amà, ke sengemenu is keug̵et te kedterebahu ku kayi he iring te sulug̵uen nu. Wazè nu egketenuzan he sug̵ù nu he wazè ku pemineg̵a te minsan hengkey he timpu. Ne minsan pa zutun ne wazà a kenikew veg̵ayi te minsan kambing dà duen wey a mekelipeylipey zuma te menge emig̵u ku.

Lucas 15:7

Ne ke si Jesus te, “Egkeg̵iyen ku keniyu he iring din ded daan, utew zekelà is kelipey ziyà te langit ke zuen sevaha he mesinupaken he ed-iniyug̵an din is memezaat he ulaula zin, kenà dutun te kesiyawan wey siyew he menge etew he kunaan dan ke memetazeng is ulaula zan wey kenà kinahanglan he ed-iniyug̵an dan haazà is mezaat he ulaula zan.”

Lucas 18:20

Netuenan nu sikan is menge sug̵ù te Megbevayà he imbilinbilin kenitew he iyan is: kenè nu selselai is esawa nu; kenè ka mebunù; kenè ka mebpenakew; kenè ka medtarùtarù diyà te hukmanan; ne tehuza nu is amey nu wey iney nu.”

Lucas 18:22

Ne hein nezineg ni Jesus haazà, migkeg̵iyan din te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Pilipus 3:6

Ne tuus te utew meheg̵et dini te g̵ehinawa ku is kedtumana ku te menge tulumanen dey te menge Hudiyu, su mibpemesipelahan ku is menge tumutuu ki Jesus. Ne sumalà te kedtumana ku te kesug̵uan he imbilinbilin ni Moises wazè ku netuenan he supak ku te Megbevayà.