Lucas 17:33 - Manobo Western Bukidnon

³³ Sikan is etew he egkenug̵unan din is untung din kenà is kedsundan din kedì, ne nasì kenà ebpekeangken te untung he wazà pidtemanan. Ne sikan is etew he kenè din egkenug̵unan is untung din tenged te kedsundan din kedì, ebeg̵ayan sikandin te untung he wazà pidtemanan.

Lucas 17:33 Кръстосани препратки

Mateo 10:39

Sikan is egkenug̵unan din is untung din dini te kelibutan, nasì egkeawà diyà te kandin is untung din. Iyan, sikan is edtumanen din is menge sug̵ù ku, minsan ke iyan ibpatey zin, ebeg̵ayan sikandin te untung he wazà din pidtemanan.

Mateo 16:25

Su ke zuen etew he egkenug̵unan din is untung din, ebpatey g̵ihapun. Iyan, ke zuen etew he edsunud kedì, minsan ke ibpatey zin pa, id-ulì te Megbevayà diyà te kandin is untung din ne kenè en sikandin ebpatey te wazà pidtemanan.

Lucas 17:34

Ne zutun he timpu emun egketuman is kedlikù ku te mezukilem ne ke zuen ebpehulizey he zezuwa he etew ne egkuwaan is sevaha ne is sevaha ne egketag̵ak.

Juan 12:25

Is etew he egkenug̵unan din is untung din dini te kelibutan, ebpatey sikandin gihapun, iyan, is etew he tenged kediey kenè din egkenug̵unan is untung din dini te kelibutan, egkekuwa zin is untung he wazà pidtemanan.

Impezayag 2:10

Kenè kew mahandek te meg̵aan niw en igkerasey. Si Setanas, meg̵aan din en ibpepirisu is duma keniyu su ebpenulayen kew zin. Ne seled te sepulù he andew ebpekeantus kew te kemereg̵enan. Mebmetinumanen kew te menge sug̵ù ku taman te kemetayen su ebeg̵ayan ku sikiyu te kuruna he iyan is untung he wazà pidtemanan.