Lucas 17:21 - Manobo Western Bukidnon

²¹ su kenà egkehimu he zuen etew he ebpekekag̵i te, ‘Ahaa niw su heini en!’ Ne emun kenà, ne ‘Dutun sikan is ibpahadì te Megbevayà!’ Su,” ke si Jesus, “diyè dà te g̵ehinawa te etew sikan is kedhedii kandin te Megbevayà ne kenà egkeahà te mata.”

Lucas 17:21 Кръстосани препратки

Mateo 12:28

Su heini is gehem ku te kebpemug̵ew te mezaat he mulin-ulin, ne ziyà ebpuun te Wag̵as he Mulin-ulin he Megbevayà. Ne pinaag̵i kayi egketuusan he iyan en heini sikan is timpu te kedhadì te Megbevayà.

Marcos 13:21

Ne ke zuen egkag̵i keniyu te, ‘Ahaa niw, heini en kes hadì he mibpilì te Megbevayà,’ wey ke zuen be egkag̵i te, ‘Heeyan en sikandin,’ ne kenè kew mebpemineg dutun te egkag̵i.

Lucas 17:23

Ne emun duen egkag̵i keniyu he ziyà a is Kakey te Menusiyà te uvey wey ke ziyà a te meziyù ne kenè kew mebpemineg.

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

Juan 1:26

Ne zutun midtavak si Juan te, “Tutuu iyan he ebpemewtismu a, iyan, pinaag̵i zà te wahig, iyan, duen duma niw he wazè niw mekilala

Juan 18:36

Ne midtavak si Jesus te, “Is keg̵ehem ku te kedhadì, kenà dini ebpuun te kelibutan. Su ke zini ebpuun mibpekidtebek en geina is menge sakup ku wey a kenà mezakep te menge Hudiyu, iyan, kenà dini te kelibutan ebpuun is keg̵ehem ku te kedhadì.”

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Kulusas 1:27

su egkesuatan din he sikitew is menge g̵aked din, ne egkesayud kiw ke hengkey is utew lavew he meupiya he edhimuwen din diyà te langun he menge etew. Ibpesayud din en kenitew he edlumunan kiw ni Kristu ne tenged kayi egketuenan tew he edtulusen kiw keuzemà.