Lucas 17:2 - Manobo Western Bukidnon

² Meupiya pa ziyà te kandin ke idhiket diyà te lieg din is dekelà he g̵elingan he vatu ne id-agbur ziyà te lawed te zag̵at, kenà is silut kandin emun pinaag̵i kandin egkeawà is kedsarig te minsan sevaha zà kayi te menge vatà.

Lucas 17:2 Кръстосани препратки

Mateo 17:27

Asal, kenà meupiya he mepauk kenita heini is menge menunukut te ibayad dutun te Valey te Megbevayà. Hendiyè ka te ranew ne pemunuwit ka. Ne zutun te vèbà te pait he egkehuna nu egkeutel, egkeehè nu is selapì. Kuwaa nu haazà is selapì ne ivayad nu kayi te edsukuten kenita he ibayad te Valey te Megbevayà.”

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Mateo 18:14

Iring din ded daan is Amey tew ziyà te langit su kenè din egkesuatan he zuen minsan sevaha zà kayi te menge vatà he kenà egkelibri te silut.

Mateo 26:24

Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew zuen te etew he ed-akal kedì. Meupiya pa ziyà te kandin ke wazè en sikandin ianak.”

Marcos 9:42

Iyan, ke zuen minsan hentei he pinaag̵i kandin egkeawà is kedsarig kediey te minsan sevaha kayi te menge vatà he edtuu kediey, meupiya pa zutun he etew ke inhiket diyà te lieg din is zekelà he g̵elingan he vatu ne in-agbur sikandin diyà te lawed te zag̵at, kenà is silut kandin ke pinaag̵i kandin egkeawà is kedsarig te minsan sevaha kayi te menge vatà.

Juan 21:15

Ne hein nekeramag dan en dutun, migkag̵i si Jesus diyà te ki Simon Pedro te, “Sikew Simon, he anak ni Juan, mahal e ve utew ziyan te g̵ehinawa nu, lavew te g̵ehinawa te menge zuma nu kedì?” Ne midtavak si Pedro te, “Uya, netuenan nu he mahal ka zini te g̵ehinawa ku.”

1 Kurintu 9:15

Ne minsan pa te egkehimu he egkekuwa ku is igkeuyag ku zutun te ebpepenurù kedì, wazà a mebuyù diyà te minsan hentei. Ne kenà a zaan ebuyù guntaan diyan te keniyu. Deyzey pa ke egkeumes a te vitil kenà te mekevuyù a su utew ku egkesuati he kenà maawà is igkezantal ku he iyan is: wazè ku mesanggen is kedsengyawa te Meupiya he Tudtulanen.

1 Kurintu 9:22

Ne haazà is menge tumutuu he wazà sikandan mekesavut te hustu, egkehimu a he iring kandan ne kenè ku idteg̵el is kediey he egkesuatan su wey pinaag̵i kedì meheg̵et is kedtuu zan. Ne zuen te kada sevaha he ebpenudtulan ku te Lalag te Megbevayà, ebpen-ahaan ku is paag̵i he engayan kandin su wey ku maag̵ak sikandin ne ebpeketuu sikandin ki Jesus.