Lucas 16:7 - Manobo Western Bukidnon

⁷ Ne nekeuma is sevaha zutun. Ne mid-insaan dutun te sulug̵uen ke pira is kandin he utang, ne midtavak sikandin te nengkelibu he vinevey he trigu. Ne migkeg̵iyan sikandin te sulug̵uen te, ‘Heini zed is listahan te utang nu. Pinuu ka kayi ne ilisi nu te walu he g̵atus dà he vinevey.’

Lucas 16:7 Кръстосани препратки

Mateo 18:28

Ne zutun mid-awà haazà is sulug̵uen ne neuma zin is sulug̵uen daan dutun te hadì he utangan diyà te kandin haazà is iring din he sulug̵uen te pira zà he pisus. Ne migewezan din haazà ne mibpekel zin te egkag̵i te, ‘Beyazi nu kes utang nu kedì!’

Lucas 16:6

Ne midtavak haazà is mid-insaan te, ‘Nenggatus he lata te lana.’ Ne migkag̵i haazà is sulug̵uen te, ‘Heini zed is listahan te utang nu. Pinuu ka kayi ne is insurat nu kayi he utang nu ne ilisi nu te kelimahan dà he lata.’

Lucas 16:8

Ne zutun,” ke si Jesus, “hein nezineg haazà dutun te egalen din ke hengkey is mid-ulaula zutun te sulug̵uen din, ne nekekag̵i te, ‘Hey, utew metau sikandin su ebpeneg̵ane en sikandin he zaan te keuyag̵an din keuzemà.’ ” Ne ke si Jesus te, “Is menge etew he kenà ebpemineg te menge lalag te Megbevayà, utew metau te paag̵i te kegkezeyzey zan. Iyan, is menge etew he sakup te Megbevayà, kenè dan bes mulà utew metau te paag̵i wey mezeyzey sikandan keuzemà diyà te langit.

Lucas 2:37

Ne menge keweluwan wey heepat en he tuig is kegkevalu zin. Ne layun sikandin diyà te simbahan su andew wey se mezukilem ne edsimba sikandin te Megbevayà, ne zuen timpu he kenà sikandin egkaan su wey zin utew mepurungi is ked-ampù din diyà te Megbevayà.

Lucas 20:12

Ne mid-uman en maan medsug̵ù haazà is teg̵ig̵aked te sevaha pa maan he sulug̵uen din ne mibug̵el zan en maan haazà taman te nengepelian ne zutun midsegseg dan sikandin.

Lucas 20:9

Ne zutun impezineg ni Jesus te menge etew is sempità su ibpesavut din kandan is keag̵i te ed-ul-ulahan te Megbevayà. Ke sikandin te, “Duen etew he zuen din bevesukà he mibpemulaan din te menge g̵awed he paras. Ne mibpeelimahan din te menge etew ne midhipanew ziyà te sengeg̵inhedian ne neug̵et sikandin dutun.